రీ ఎంట్రీ
- IndiaGlitz, [Monday,April 29 2019]
హీరోయిన్ ప్రియ‌మ‌ణి పెళ్లి త‌ర్వాత తెలుగు సినిమాల‌కు పూర్తిగా దూర‌మైంది. అడ‌పాద‌డ‌పా క‌న్న‌డలోనే సినిమాలు చేస్తూ వ‌స్తుంది. అలాగే సామాజిక సేవా కార్య‌క్ర‌మాల్లోనూ బిజీగా ఉంది ప్రియ‌మ‌ణి. అయితే త్వ‌ర‌లోనే ఈమె తెలుగు సినిమాల్లోకి రీ ఎంటరీ ఇవ్వ‌నుందని వార్త‌లు విన‌ప‌డుతున్నాయి.
రానా, సాయిప‌ల్ల‌వి క‌ల‌య‌కలో నీది నాది ఒకే క‌థ ఫేమ్ వేణు ఊడుగుల ద‌ర్శ‌క‌త్వంలో 'విరాట‌ప‌ర్వం' చిత్రం రూపొంద‌నుంది. ఈ చిత్రంలో టబు సామాజిక కార్య‌క‌ర్త పాత్ర‌లో న‌టించ‌బోతున్నార‌ని ఇటీవ‌ల వార్త‌లు విన‌ప‌డుతున్నాయి. అయితే తాజా స‌మాచారం ప్ర‌కారం ప్రియ‌మ‌ణి కూడా ఇందులో కీల‌క పాత్ర‌లో క‌నిపించ‌బోతున్నారట. ఈ సినిమాకు సంబంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. త్వ‌ర‌లోనే సినిమాకు సంబంధించిన అధికారిక స‌మాచారం వెలువ‌డ‌నుంది.