వివాహం తర్వాత ప్రియమణి సినిమాల జోరు తగ్గించింది. బుల్లితెర షోలలో కనిపిస్తోంది. ప్రియమణి తెలుగులో నటించి చాలా కాలమే అవుతోంది. ఎన్టీఆర్, నాగార్జున, బాలయ్య లాంటి స్టార్స్ సరసన ప్రియమణి ఆడిపాడింది. తిరిగి తెలుగు ఆడియన్స్ ని పలకరించేందుకు ప్రియమణి రెడీ అవుతోంది.

ప్రస్తుతం ప్రియమణి వెంకటేష్ సరసన నారప్ప చిత్రంలో నటిస్తోంది. అలాగే రానా నటిస్తున్న విరాటపర్వంలో కీలక పాత్ర చేస్తోంది. తాజాగా ఓ ఇంటర్వ్యూలో ప్రియమణి మాట్లాడుతూ.. గతంలో వెంకటేష్ సరసన నటించే అవకాశం రెండు సార్లు మిస్ అయినట్లు తెలిపింది. కొన్ని కారణాల వల్ల ఆ ఛాన్సులు కోల్పోయినట్లు పేర్కొంది.

ఇదీ చదవండి: దివి స్టన్నింగ్ హాట్: ఎదపై టాటూ.. రేర్ రికార్డ్ కొట్టేసింది

నారప్పలొ అవకాశం వచ్చినప్పుడు ఎట్టి పరిస్థితుల్లో ఈ ఆఫర్ వదులుకోకూడదు అని డిసైడ్ అయినట్లు తెలిపింది. ఈ సందర్భంగా వెంకటేష్ ఫ్యాషన్ ఉన్న నటుడు అని ప్రశంసలు కురిపించింది. అసురన్ రీమేక్ గా నారప్ప తెరకెక్కుతోంది. తెలుగు నేటివిటీకి అనుగుణంగా కొన్ని మార్పులు చేసినట్లు ప్రియమణి పేర్కొంది.

ఇక విరాటపర్వంలో కూడా తనది కీలకమైన రోల్ అని ప్రియమణి తెలిపింది. నక్సలైట్ భారతక్క పాత్రలో ప్రియమణి నటిస్తోంది. ఈ రెండు చిత్రాలు కరోనా ప్రభావం తగ్గాక రిలీజ్ కు రెడీ కానున్నాయి.