கடந்த சில மாதங்களுக்கு முன்னர் மலையாள நடிகை ப்ரியாவாரியர் 'ஒரு அதார் லவ்' என்ற படத்தின் டீசரில் கண்சிமிட்டியது மற்றும் புருவ நடனம் செய்தது பெரும் பரபரப்பை ஏற்படுத்தியது. இந்த டீசர் வெளியான ஒரே நாளில் அவர் நாடு முழுவதும் புகழ் பெற்றார்.

இந்த நிலையில் நேற்று பாராளுமன்றத்தின் மக்களவையில் காங்கிரஸ் தலைவர் ராகுல்காந்தி, மத்திய அரசுக்கு எதிரான நம்பிக்கையில்லா தீர்மானம் குறித்து பேசினார். மத்திய அரசு மீதும் பிரதமர் மோடி மீதும் பல்வேறு குற்றச்சாட்டுக்களை அடுக்கடுக்காக ஆவேசமாக கூறிய ராகுல்காந்தி பின்னர் பிரதமரை கட்டியணைத்து தனது இருக்கையில் உட்கார்ந்தார். அதன்பின்னர் காங்கிரஸ் எம்பிக்களை பார்த்து அவர் கண்சிமிட்டினார். ராகுல்காந்தியின் இந்த செய்கை பெரும் பரபரப்புடன் வைரலானது. பலர் ராகுல் கண்சிமிட்டலை ப்ரியாவாரியரின் கண்சிமிட்டலுடன் ஒப்பிட்டி மீம்ஸ் போட்டு வந்தனர்.

இந்த நிலையில் ராகுல்காந்தியின் கண்சிமிட்டல் குறித்து கருத்து தெரிவித்த ப்ரியாவாரியர், 'ராகுல் காந்தி பாராளுமன்றத்தில் கண்சிமிட்டியதை ரசித்து பார்த்தேன். மிகவும் அழகாக இருந்தது. நான் ஒரு திரைப்படத்தில் செய்ததை எனக்கு சொந்தமனதை ராகுல் செய்திருப்பது எனக்கு மகிழ்ச்சியை அளித்துள்ளது என்று கூறியுள்ளார்.