சூர்யா தற்போது செல்வராகவன் இயக்கத்தில் 'NGK' என்ற படத்தில் நடித்துவருகிறார். திரையுலகினர்களின் வேலைநிறுத்தம் முடிந்தவுடன் சில வாரங்களில் இந்த படத்தின் படப்பிடிப்பு முடிந்துவிடும் என தெரிகிறது.

இந்த நிலையில் சூர்யாவின் அடுத்த படத்தை இயக்குனர் கே.வி.ஆனந்த் இயக்கவுள்ளார் என்பதையும் இந்த படத்தை பிரமாண்டமாக லைகா நிறுவனம் தயாரிக்கவுள்ளது என்பதையும் பார்த்தோம். ஹாரிஸ் ஜெயராஜ் இசையமைக்கவுள்ள இந்த படத்திற்கு கேவிக் யுரே ஒளிப்பதிவும், ஆண்டனி எடிட்டிங் பணியும் செய்யவுள்ளனர்.

இந்த படத்தின் நடிகர், நடிகையர் தேர்வு நடைபெற்று வருவதாக கூறப்படும் நிலையில் இந்த படத்தின் நாயகியாக நடிக்க 'புருவ நடனம்' புகழ் ப்ரியாவாரியரிடம் பேச்சுவார்த்தை நடத்தப்பட்டு வருவதாக கூறப்படுகிறது. ப்ரியாவாரியர் நடித்த முதல் படமான 'ஒரு ஆடார் லவ்' படமே இன்னும் ரிலீஸ் ஆகாத நிலையில் அவருக்கு பல படங்களில் நடிக்க வாய்ப்பு குவிந்து வந்தாலும் அவர் இன்னும் ஒரு படத்தை கூட ஒப்புக்கொள்ளவில்லை என்பது குறிப்பிடத்தக்கது.