ఓ చిన్న క‌న్నుగీట‌తో రాత్రికి రాత్రే నేష‌న‌ల్ ఫేమస్ అయ్యింది మ‌ల‌యాళ కుట్టి ప్రియా వారియ‌ర్‌. ఈమె న‌టించిన ల‌వర్స్‌డే సినిమా ప్లాప్ అయ్యింది. దీంతో అప్ప‌టి వ‌ర‌కు ఉన్న క్రేజ్ ఒక్క‌సారిగా కామ్ అయ్యింది. ఇప్పుడు ఈమె తెలుగులో నితిన్‌, చంద్ర‌శేఖ‌ర్ ఏలేటి ద‌ర్శ‌క‌త్వంలో తెర‌కెక్క‌బోతున్న సినిమాలో ఓ కీల‌క పాత్ర‌లో న‌టించ‌నుంద‌నే వార్త‌లు విన‌ప‌డుతున్నాయి. కాగా.. ఇప్పుడు ఈమెకు ఓ గోల్డెన్ అవ‌కాశం వ‌చ్చిందనే వార్త సోష‌ల్ మీడియాలో హ‌ల్ చ‌ల్ చేస్తుంది. అదేంటంటే.. మ‌హేశ్ 27వ చిత్రంలో ప్రియా వారియ‌ర్ పేరుహీరోయిన్‌గా ప‌రిశీల‌న‌లో ఉంద‌ని స‌మాచారం.

వివ‌రాల్లోకెళ్తే సూప‌ర్‌స్టార్ మ‌హేశ్‌, ప‌రుశురామ్ కాంబినేష‌న్‌లో ఓ సినిమా రూపొంద‌నున్న సంగ‌తి తెలిసిందే. ప్ర‌స్తుతం ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. మ‌హేశ్ స‌ర‌స‌న కీర్తిసురేష్‌, జాన్వీక‌పూర్‌, సారా అలీఖాన్ పేర్లు బ‌లంగా వినిపించాయి. లేటెస్ట్ స‌మాచారం మేర‌కు ఇప్పుడు ఈ లిస్టులో ప్రియా ప్ర‌కాశ్ వారియ‌ర్ పేరు కూడా చేరిందంటున్నారు. మ‌రి ఈ వార్త‌ల‌పై అటు ప్రియా వారియ‌ర్‌.. ఇటు మ‌హేశ్ అండ్ టీమ్ ఎలా రియాక్ట్ అవుతారో చూడాలి. ఈ చిత్రం మే 31న లాంఛనంగా ప్రారంభ‌మ‌వుతుందని వార్త‌లు విన‌ప‌డుతున్నాయి.