கார்த்தியின் அடுத்த பட நாயகியாகும் பிரபல சீரியல் நடிகை
- IndiaGlitz, [Saturday,October 21 2017]
பிரபல தனியார் தொலைக்காட்சியில் ஒளிபரப்பாகி வரும் 'கல்யாணம் முதல் காதல் வரை' சீரியலில் நடித்து வரும் ப்ரியா பவானிசங்கர் நடித்த 'மேயாத மான்' கடந்த தீபாவளி தினத்தில் வெளியாகி நல்ல வரவேற்பை பெற்றது. இந்த நிலையில் தற்போது கார்த்தியின் அடுத்த படத்தில் நாயகியாக நடிக்க ப்ரியா பவானிசங்கரிடம் பேச்சுவார்த்தை நடத்தப்பட்டு வருவதாக செய்திகள் வெளியாகியுள்ளது.
'தீரன் அத்தியாயம் ஒன்று' படத்தை அடுத்து பாண்டிராஜ் இயக்கத்தில் கார்த்தி ஒரு படத்தில் நடிக்கவுள்ளார். கிராமிய படமான இந்த படத்தை சூர்யாவின் 2D எண்டர்டெயின்மெண்ட் நிறுவனம் தயாரிக்கவுள்ளது. இந்த நிலையில் இந்த படத்தில் கார்த்தி ஜோடியாக நடிக்க ப்ரியா பவானிசங்கரிடம் பேச்சுவார்த்தை நடந்து வருவதாகவும் கூறப்படுகிறது. மேலும் இதே கேரக்டருக்கான 'வனமகன்' புகழ் சாயிஷாவிடமும் படக்குழுவினர் பேச்சுவார்த்தை நடத்தி வருகின்றனர்.
அதுமட்டுமின்றி இந்த படத்தின் இன்னொரு நாயகியாக 'பிரேமம்' புகழ் அனுபமா பரமேஸ்வரன் நடிக்கவுள்ளதாக கூறப்படுகிறது.