நடிகர் அருண் விஜய் நடிக்கவிருக்கும் அடுத்த படத்தை இயக்குனர் ஹரி இயக்க உள்ளார் என்பதும் அருண் விஜய்யின் 33வது படமான இந்த படம் அதிரடி ஆக்ஷன் மற்றும் குடும்ப சென்டிமென்ட் கலந்த படம் என்றும் கூறப்பட்டது

இந்த நிலையில் இந்த படத்தின் ஆரம்பகட்ட பணிகள் கடந்த சில வாரங்களாக நடைபெற்று வந்த நிலையில் இந்த படத்தில் நாயகியாக நடிக்க பிரியா பவானிசங்கரிடம் பேச்சுவார்த்தை நடந்து வருவதாகவும் விரைவில் இதுகுறித்த அதிகாரப்பூர்வ அறிவிப்பு படக்குழுவினர் தரப்பில் இருந்து வெளியாகும் என்றும் கூறப்பட்டது

இந்த நிலையில் சற்று முன்னர் இந்த படத்தை தயாரிக்கும் டிரம்ஸ்டிக் நிறுவனம் அதிகாரபூர்வமாக இந்த படத்தின் நாயகி ப்ரியா பவானிசங்கர் என அறிவித்துள்ளது. இதனை அடுத்து ப்ரியா பவானி சங்கருக்கு வாழ்த்துகள் குவிந்து வருகிறது என்பது குறிப்பிடத்தக்கது

தமிழ் திரையுலகில் பிஸியாக இருக்கும் பிரியா பவானிசங்கர் ஏற்கனவே ’இந்தியன் 2’ ’ருத்ரன்’ ’பத்துதல’ உள்ளிட்ட படங்களில் நடித்து வரும் நிலையில் தற்போது மேலும் ஒரு படத்தில் உறுதி செய்யப்பட்டு உள்ளார் என்பது குறிப்பிடத்தக்கது