சிவகார்த்திகேயன் ஜோடியாக நடித்துள்ளாரா ப்ரியா அட்லி? வைரல் வீடியோ.!
- IndiaGlitz, [Tuesday,June 18 2024]
விஜய் தொலைக்காட்சியில் தொகுப்பாளராக இருந்த சிவகார்த்திகேயன் அதன் பின்னர் ’மெரினா’ என்ற திரைப்படத்தின் மூலம் திரையுலகில் அறிமுகமானார் என்பதும் அதனை அடுத்து பல வெற்றி படங்களை தொடர்ந்து கொடுத்துள்ளார் என்பதும் தெரிந்தது.
இந்த நிலையில் தற்போது தமிழ் திரை உலகின் முன்னணி நடிகர்களில் ஒருவராக இருக்கும் சிவகார்த்திகேயன், அட்லியின் மனைவி ப்ரியா அட்லியும் கடந்த 10 ஆண்டுகளுக்கு முன் ஒரு குறும்படத்தில் நடித்த வீடியோ தற்போது திடீரென இணையத்தில் வைரல் ஆகி வருகிறது.
சிவகார்த்திகேயன் மற்றும் ப்ரியா அட்லி ஆகிய இருவரும் ’360 டிகிரி’ என்ற குறும்படத்தில் நடித்துள்ளனர் என்பது இந்த வீடியோவின் மூலம் தெரிய வருகிறது. இந்த குறும்படத்தில் சிவகார்த்திகேயன் மற்றும் பிரியா அட்லியின் நடித்த ரொமான்ஸ் காட்சிகள் கொண்ட வீடியோ தற்போது திடீரென இணையத்தில் வைரலாகி வருகிறது.
ஏற்கனவே சில தொலைக்காட்சி தொடர்களில் ப்ரியா அட்லி நடித்திருந்த நிலையில் தற்போது அவர் சிவகார்த்திகேயனுடன் குறும்படத்திலும் நடித்துள்ளார் என்பது பலருக்கு தெரிய வந்துள்ளது.