இலங்கை அருகே ஏற்பட்டுள்ள காற்றழுத்த தாழ்வு காரணமாக கடந்த ஐந்து நாட்களாக சென்னை உள்ளிட்ட தமிழகத்தின் பெரும்பாலான பகுதிகளில் கனமழை பெய்து வருகிறது. குறிப்பாக சென்னையில் நேற்று மாலை 6 மணி முதல் தொடர்ச்சியாக மழை பெய்து வருவதால் சென்னை மக்களின் இயல்பு வாழ்க்கை பாதித்துள்ளது.

இந்த நிலையில் சென்னை மாவட்டத்தில் உள்ள பள்ளிகள், கல்லூரிகளுக்கு இன்று விடுமுறை அளிக்கப்பட்டுள்ளது. அண்ணா பல்கலை, சட்டப்பல்கலை தேர்வுகளும் ஒத்தி வைக்கப்பட்டுள்ளது.

இந்த நிலையில் ஊழியர்களின் நலன் கருதி இன்று ஒருநாள் சென்னை, திருவள்ளூர், காஞ்சிபுரம் மாவட்டத்தில் அனைத்து தனியார் நிறுவனங்களும் தங்கள் ஊழியர்களுக்கு விடுமுறை அளிக்க வேண்டும் என்று வருவாய் நிர்வாக ஆணையர் சத்யகோபால் வேண்டுகோள் விடுத்துள்ளார். இவருடைய வேண்டுகோளின்படி பெரும்பாலான தனியார் நிறுவனங்கள் இன்று விடுமுறையை அறிவிக்கும் என்று எதிர்பார்க்கப்படுகிறது.