ഞാൻ ദെെവത്തിൽ വിശ്വസിക്കുന്നു, കാരണം ഞാൻ അദ്ദേഹത്തെ കണ്ടു, പല തവണ'. ക്രിക്കറ്റ് ദെെവം സച്ചിൻ ടെൻഡുൽക്കറെ കണ്ടു മുട്ടിയതിന് പിന്നാലെ മലയാളത്തിലെ സൂപ്പർ താരം പൃഥ്വിരാജ് തന്റെ ഫെയ്സ്ബുക്കിൽ കുറിച്ച വാക്കുകളാണിത്.

ചാമ്പ്യൻസ് ട്രോഫിയിൽ ഇന്ത്യയും പാകിസ്ഥാനും തമ്മിലുള്ള മത്സരത്തിനിടയിലാണ് പൃഥ്വി സച്ചിനെ കണ്ടുമുട്ടിയത്. എന്നാൽ ക്രിക്കറ്റ് ഇതിഹാസത്തിനെ കണ്ടുമുട്ടിയ മലയാളത്തിന്റെ പ്രിയതാരത്തിന് വാക്കുകളില്ലാതായി. ഉടനെ തന്നെ സെൽഫിയെടുത്ത് ഫെയ്സ്ബുക്കിൽ പങ്കുവയ്ക്കുകയും ചെയ്തു. നേരത്തെ, തമിഴ് താരം ധനുഷും സച്ചിനുമായുള്ള ചിത്രം ടിറ്റ്വറിൽ പങ്കു വച്ചിരുന്നു.

ആദം ജോൺ എന്ന ചിത്രത്തിന്റെ ഷൂട്ടിംഗുമായി ബന്ധപ്പെട്ടാണ് പൃഥ്വിരാജ് ബ്രിട്ടണിലെത്തിയത്. മത്സരത്തിന്റെ തുടക്കം മുതൽ സ്റ്റേഡിയത്തിലുണ്ടായിരുന്ന പൃഥ്വി സ്റ്റേഡിയത്തിന്റെ ഫോട്ടോയും മഴയുടെ വീഡിയോയുമെല്ലാം ഫെയ്സ്ബുക്കിൽ പോസ്റ്റ് ചെയ്തിരുന്നു.