బిగ్‌బాస్‌లో 7లో వైల్డ్ కార్డ్ ఎంట్రీ ఇచ్చిన ఐదుగురు హౌస్‌లో మంచి వినోదాన్ని అందిస్తున్నారు. పోటుగాళ్లుగా బిగ్‌బాస్ చేత అనిపించుకున్న వీళ్లు అలాగే దూసుకెళ్తున్నారు. అయితే తొలుత వీరి ధాటికి కాస్త వెనుకబడినప్పటికీ.. ఆటగాళ్లు కూడా రెచ్చిపోతున్నారు. ముఖ్యంగా అమర్‌దీప్ చౌదరి మంచి ఫామ్‌లోకి వచ్చాడు. నిన్న ఇచ్చిన టాస్క్‌లో అదరగొట్టి జట్టును గెలిపించాడు . అలాగే పోయిందనుకున్న కెప్టెన్సీ మళ్లీ తిరిగి రావడంతో రైతుబిడ్డ పల్లవి ప్రశాంత్‌ ఆనందం రెట్టింపయ్యింది. సెకండ్ కెప్టెన్సీ కోసం నిర్వహించిన టాస్కుల్లో ఆటగాళ్లు, పోటుగాళ్లు సమంగా నిలిచారు.

హౌస్‌లోకి వచ్చిన నాటి నుంచి ఇంటి సభ్యుల కోసం కిచెన్‌లో కష్టపడుతున్నప్పటికీ తనకు ఎవరూ హెల్ప్ చేయడం లేదంటూ ప్రియాంక ఆవేదన వ్యక్తం చేసింది. ఇంట్లో అయితే ఎంతైనా చేయొచ్చు.. కానీ ఇది బిగ్‌బాస్. ఇంతమంది కోసం ఒక్కదాన్నే కష్టపడలేకపోతున్నా.. నేనింక అలసిపోయానంటూ ప్రియాంక ఆవేదన వ్యక్తం చేసింది. తనకు మాటలు, అవమానాలు తప్పడం లేదంటూ ప్రియాంక కంటతడి పెట్టింది. ఈ క్రమంలోనే ప్రిన్స్ యావర్‌తో గొడవ పెట్టుకుంది.

అనంతరం బిగ్‌బాస్.. ఈ వారం కెప్టెన్సీ టాస్క్ ఇచ్చాడు. అదే ‘‘హూ ఈజ్ ద బెస్ట్’’. దీనిలో భాగంగా ఫుట్‌బాల్‌ను చేతులతో గోల్‌పోస్టులో వేయాల్సి వుంటుంది. రెండు జట్ల నుంచి నలుగురు సభ్యులు ఈ గేమ్‌లో పాల్గొన్నారు. ఆటగాళ్ల వైపు నుంచి యావర్, పోటుగాళ్ల వైపు నుంచి అర్జున్ హోరాహోరిగా తలపడగా.. చివరికి విజయం ఆటగాళ్లనే వరించింది. దీంతో ఆటగాళ్లు కెప్టెన్సీ రేసులో నిలిచారు. ఆటగాళ్లలో ఎవరు కెప్టెన్ కావాలనే దానిని నిర్ణయించే బాధ్యత పోటుగాళ్ల చేతిలో పెట్టాడు బిగ్‌బాస్. దీని ప్రకారం ఆటగాళ్లు టీమ్‌లోని అందరికీ బెలూన్స్ వుంటాయి. పోటుగాళ్లు .. ఆటగాళ్ల టీమ్‌లో ఒకరికి సూది ఇస్తారు. దీనిని అందుకున్న వారు.. కెప్టెన్‌గా అర్హత ఎవరికి లేదు అని భావిస్తారో వారి బెలూన్‌ని గుచ్చాలి.

చివరికి రేసులో టేస్టీ తేజ, ప్రిన్స్ యావర్ మిగిలారు. బజర్ మోగానే పోటుగాళ్ల టీంలో ఒకరు సూదిని తీసుకుని, ఇద్దరిలో ఒకరి బెలూన్‌ పగులగొట్టి మరొకరిని కెప్టెన్‌ని చేయాలని బిగ్‌బాస్ ఆదేశించాడు. బజర్ మోగగానే నయని పావని సూది అందుకుని, పరుగున వెళ్లి తేజ బెలూన్ పగులగొట్టింది. దీంతో ప్రిన్స్ యావర్ బిగ్‌బాస్ 7 తెలుగులో సెకండ్ కెప్టెన్‌గా నిలిచాడు. దీంతో ప్రశాంత్ కెప్టెన్సీ బ్యాడ్జిని ప్రిన్స్‌కు అందించాడు.