టాలీవుడ్ నటుడు థర్టీ ఇయర్స్ ఇండస్ట్రీ కమ్ వైసీపీ నేత పృథ్వీరాజ్ వ్యాఖ్యలు సినీ ఇండస్ట్రీ, రాజకీయాల్లో కలకలం రేపుతున్నాయి. ఇప్పటికే సీఎం వైఎస్ జగన్ మోహన్‌రెడ్డిని టాలీవుడ్ పెద్దలు పట్టించుకోవట్లేదని.. పృథ్వీ కన్నెర్రజేసిన విషయం విదితమే. తాజాగా మరోసారి మీడియా ముందుకొచ్చిన ఆయన.. టాలీవుడ్ సినీ పెద్దలకు జగన్ సీఎం కావడం ఇష్టం లేదన్నారు. సినిమా వాళ్లకు ఓట్లు వేయద్దని ఈ సందర్భంగా పృథ్వీ పిలుపునిచ్చారు. మరో 30 ఏళ్లపాటు అమరావతి గడ్డపై వైసీపీ జెండానే ఎగురుతుందని ఈ సందర్భంగా ఆయన ధీమా వ్యక్తం చేశారు.

నేనేం ట్రంక్ పెట్టెతో రాలే..!!

వైసీపీ ప్రచారం చేస్తే సినిమా ఛాన్స్‌లు రావని కొందరు అన్నారని.. అయినా తాను అవన్నీ పట్ట్టించుకోకుండా ముందుకెళ్లనన్నారు. ఎవరో అవకాశం కలిపిస్తారని తాను ట్రంక్ పెట్టెతో హైదరాబాద్‌కు రాలేదని ఈ సందర్భంగా ఆయన చెప్పుకొచ్చారు. థర్టీ ఇయర్స్ ఇండస్ట్రీలా.. ఎస్పీబీసీ ఛానల్‌కు కూడా పేరు తెస్తానని థర్టీ ఇయర్స్ ఇండస్ట్రీ పృథ్వీ చెప్పారు. అయితే ఈయన వ్యాఖ్యలపై టాలీవుడ్ పెద్దలు ఎలా రియాక్ట్ అవుతారో వేచి చూడాల్సిందే మరి.