நடிகரும் பாஜக பிரமுகருமான எஸ்.வி.சேகர், நேற்று தனது முகநூலில் பெண் பத்திரிகையாளர்கள் குறித்து தரக்குறைவாக கூறிய கருத்துக்கு எதிர்ப்பு தெரிவித்து இன்று மதியம் 3 மணிக்கு கமலாலயம் முன் பத்திரிகையாளர் குவிந்து ஆர்ப்பாட்டம் நடத்த உள்ளதாக காலையில் அறிவிக்கப்பட்டிருந்தது

இந்த நிலையில் கமலாலயம் முன்பு பெருந்திரளாக பத்திரிகையாளர் சற்றுமுன் குவிந்தனர். எஸ்.வி.சேகர் மற்றும் எச்.ராஜாவுக்கு எதிராக கோஷமிட்டபடி பத்திரிகையாளர்கள் குவிந்ததால் அந்த இடமே பரபரப்பாக இருந்தது.

முன்னதாக பாஜக அலுவலகம் கமலாலயம் இருக்கும் தெருவில் ஊடகங்களுக்கு அனுமதி இல்லை என்று காவல்துறை கடும் கெடுபிடி செய்ததை அடுத்து . 

பத்திரிகையாளர்கள் சவுத் போக் சாலையில் நின்று ஆர்ப்பாட்டம் நடத்தினர். பத்திரிகையாளர்களின் இந்த ஆர்ப்பாட்டம் காரணமாக விரைவில் பாஜக மேலிடம் எஸ்.வி.சேகர் மீது கடும் நடவடிக்கை எடுக்க வாய்ப்பு இருப்பதாக கூறப்படுகிறது.