వి.వి.వినాయక్ చేతుల మీదుగా ప్రేమికుడు ఆడియో రిలీజ్..
- IndiaGlitz, [Monday,March 14 2016]
మాన‌స్.ఎన్, స‌న‌మ్ శెట్టి జంటగా క‌ళా సందీప్ దర్శకత్వంలో రూపొందిన చిత్రం ప్రేమికుడు. ఈ చిత్రాన్ని ఎస్.ఎస్.సినిమా బ్యాన‌ర్ పై ల‌క్ష్మీ నారాయ‌ణ‌రెడ్డి, సునీల్ రెడ్డి సంయుక్తంగా నిర్మించారు. విజ‌య్ బాలాజీ సంగీతం అందించిన ప్రేమికుడు ఆడియో రిలీజ్ కార్య‌క్ర‌మం హైదరాబాద్ లో జ‌రిగింది. ఈ కార్య‌క్ర‌మానికి సెన్సేష‌నల్ డైరెక్ట‌ర్ వి.వి.వినాయక్ ముఖ్యఅతిధిగా హాజ‌రై ఆడియో సి.డిను ఆవిష్క‌రించి తొలి సి.డి.ని డైరెక్ట‌ర్ ర‌వికుమార్ చౌద‌రికి అందించారు.
ఈ సంద‌ర్భంగా ....
వి.వి.వినాయక్ మాట్లాడుతూ...సినిమా ట్రైల‌ర్, పాట‌లు చాలా బాగున్నాయి. కొత్త వాళ్లందూ క‌ల‌సి చేసిన ప్ర‌య‌త్నం స‌క్సెస్ అవ్వాల‌ని కోర‌కుంటున్నాను. మాన‌స్ చాలా అందంగా క‌నిపిస్తున్నాడు. కెమెరామెన్ శివ మంచి అవుట్ పుట్ ఇచ్చాడు. విజ‌య్ బాలాజీ మంచి ట్యూన్స్ అందించారు. ఈ సినిమా ఈ టీమ్ కి మంచి పేరు తీసుకువ‌స్తుంద‌ని ఆశిస్తున్నాను అన్నారు.
ద‌ర్శ‌కుడు క‌ళా సందీప్ మాట్లాడుతూ...నా మొద‌టి సినిమాకి బాలాజీ గారితో మ్యూజిక్ చేయించుకోవాల‌నుకున్నాను. నేను అనుకున్న విధంగా బాలాజీ గారితో మ్యూజిక్ చేయించ‌డం...పాట‌లు బాగా రావ‌డం ఆనందంగా ఉంది. మాన‌స్ పాత్ర‌కు త‌గ్గ‌ట్టు చాలా బాగా న‌టించాడు. ఈ సినిమాని ఆద‌రించాల‌ని కోరుకుంటున్నాను అన్నారు.
మ్యూజిక్ డైరెక్ట‌ర్ విజ‌య్ బాలాజీ మాట్లాడుతూ...ఇది నా ఐద‌వ చిత్రం. ఈ సినిమాకి సాంగ్స్ బాగా వ‌చ్చాయంటే దానికి కార‌ణం డైరెక్ట‌ర్ క‌ళా సందీప్. ఈ సినిమా ఘ‌న విజ‌యం సాధించాలి అన్నారు.
హీరో మాన‌స్ మాట్లాడుతూ...ఈ సినిమా కోసం నెల్లూరులో ఎక్కువుగా భాగం షూటింగ్ చేసాం. అక్క‌డ ప్ర‌తి ఒక్క‌రు బాగా స‌పోర్ట్ చేసారు. ఈ సినిమాలో హిలేరియ‌స్ కామెడీ ఉంటుంది. ఈ సినిమా అంద‌రికీ న‌చ్చుతుంది అన్నారు.
హీరోయిన్ స‌న‌మ్ శెట్టి మాట్లాడుతూ...సందీప్ క‌థ చెప్ప‌గానే నాకు ఎంత‌గానో న‌చ్చింది. అలాగే ఈ సినిమాలో న‌టించినందుకు సంతోషంగా ఉంది అన్నారు. ఈ కార్య‌క్ర‌మంలో బెక్కం వేణుగోపాల్, ప‌ద్మిని, తుమ్మ‌ల‌ప‌ల్లి రామ స‌త్య‌నారాయ‌ణ, తాగుబోతు ర‌మేష్‌, అనితా చౌద‌రి, శ్రీరాం త‌దిత‌రులు పాల్గొన్నారు