அஜித் நடித்த ’தீனா’ படத்தை அவரது ரசிகர்கள் மறந்திருக்க வாய்ப்பில்லை. அஜித்தை முதன் முதலாக ஆக்ஷன் ஹீரோவாக்கியது இந்த படம்தான் என்பதும், அது மட்டுமின்றி ரசிகர்கள் அஜித்தை ‘தல’ என்று அன்போடு அழைக்க ஆரம்பித்தது இந்த படத்திற்கு பின்னர்தான் என்பதும் குறிப்பிடத்தக்கது. மேலும் இந்த படம் ஏஆர் முருகதாஸ் இயக்குனராக அறிமுகமான படம் என்பது குறிப்பிடத்தக்கது

இந்த நிலையில் இன்று பிரபலமாக இருக்கும் ‘பிரேமம்’ பட இயக்குனர் அல்போன்ஸ் புத்ரன் ’தீனா’ படத்தில் ஒரு சில காட்சிகள் நடித்துள்ள தகவல் தெரிய வந்துள்ளது. அது குறித்த புகைப்படங்கள் தற்போது வைரல் ஆகி வருகிறது. அஜித், லைலா ஆகிய இருவரும் பீட்சா சாப்பிடும் போது ஒரு கும்பலால் கிண்டல் செய்யப்படுவார்கள். அந்த கும்பலில் உள்ள ஒருவர் தான் அல்போன்ஸ் புத்திரன் என்பது குறிப்பிடத்தக்கது.

ஏற்கனவே அல்போன்ஸ் புத்திரன் தமிழில் சில குறும்படங்கள் இயக்கி உள்ளார் என்பதும் நாளைய இயக்குனர் நிகழ்ச்சியில் கலந்து கொண்டு இருக்கிறார் என்பது குறிப்பிடத்தக்கது. அஜித் படத்தில் ஒரு சிறு கேரக்டரில் நடித்த பிரேமம் இயக்குனர் அல்போன்ஸ் புத்திரன் ’பிரேமம்’ என்ற படத்தை இயக்கி தென்னிந்திய திரையுலகையே திரும்பிப் பார்க்க வைத்தார் என்பது குறிப்பிடத்தக்கது.