ஒரே படத்தில் இணையும் 'மஞ்சும்மெல் பாய்ஸ்' 'பிரேமலு' பிரபலங்கள்.. விரைவில் அறிவிப்பு..!
- IndiaGlitz, [Saturday,March 16 2024]
சமீபத்தில் வெளியான மலையாள திரைப்படங்களான ‘மஞ்சும்மெல் பாய்ஸ்’ மற்றும் ‘பிரேமலு’ ஆகிய திரைப்படங்கள் மிகப்பெரிய வசூலை வாரி குவித்தது என்பதும் ‘மஞ்சும்மெல் பாய்ஸ்’ திரைப்படம் ரூ.175 கோடி வசூலை தாண்டி 200 கோடியை நெருங்கிக் கொண்டிருக்கிறது என்பது ‘பிரேமலு’ திரைப்படம் 100 கோடியை தாண்டி வசூல் செய்து கொண்டிருக்கிறது என்பதையும் ஏற்கனவே பார்த்தோம்.
இந்த நிலையில் ‘மஞ்சும்மெல் பாய்ஸ்’ படத்தில் பிரசாத் என்ற கேரக்டரில் நடித்த நடிகரான காலித் ரகுமான் என்பவர் ஒரு இயக்குனர் என்பதும் அவர் ஏற்கனவே நான்கு மலையாள படங்களை இயக்கியுள்ளார் என்பது குறிப்பிடத்தக்கது,
இந்த நிலையில் இவரது இயக்கத்தில் உருவாகவிருக்கும் படத்தில் ‘பிரேமலு’ நாயகன் நஸ்லன் நடிக்க இருப்பதாகவும் இந்த படத்தின் அறிவிப்பு மிக விரைவில் வெளியாகும் என்றும் கூறப்படுகிறது,
‘மஞ்சும்மெல் பாய்ஸ்’ ‘பிரேமலு’ ஆகிய இரண்டு திரைப்படங்களும் மிகப்பெரிய வெற்றி பெற்ற நிலையில் தற்போது இந்த இரண்டு திரைப்படங்களின் பிரபலங்கள் ஒரே படத்தின் இணைய இருப்பதை அடுத்து இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது,