'ప్రేమకథా చిత్రమ్' మ్యాజిక్ రిపీట్ అవుద్దా?
- IndiaGlitz, [Monday,May 21 2018]
‘ఎస్‌.ఎం.ఎస్‌’ ( శివ మనసులో శృతి) చిత్రంతో తెలుగు తెర‌కు ప‌రిచ‌య‌మైన క‌థానాయ‌కుడు సుధీర్ బాబు. ఆ త‌రువాత 'ప్రేమకథా చిత్రమ్', 'ఆడు మగాడ్రా బుజ్జి', 'కృష్ణమ్మ కలిపింది ఇద్దరిని', 'మోసగాళ్ళకు మోసగాడు', 'భలే మంచి రోజు', 'శమంతకమణి' లాంటి సినిమాల్లో నటించినా.. సుధీర్ బాబు కెరీర్‌లో మాత్రం బిగ్గెస్ట్ హిట్‌గా నిలిచిపోయిన సినిమా 'ప్రేమకథా చిత్రమ్'. మారుతి దర్శకత్వంలో రూపుదిద్దుకున్న ఈ సినిమా 2013 సంవ‌త్స‌రంలో జూన్ ఫస్ట్ హాఫ్‌లో విడుదలైంది.
క‌ట్ చేస్తే.. సెంటిమెంట్ ప్ర‌కారం మ‌ళ్ళీ ఐదు సంవత్సరాల తర్వాత అదే జూన్ నెల ఫస్ట్ హాఫ్‌లో ఇంద్రగంటి మోహన కృష్ణ దర్శకత్వంలో తెరకెక్కిన సుధీర్ బాబు తాజా చిత్రం 'సమ్మోహనం' రిలీజ్ కానుంది. అదితిరావు హైదరి క‌థానాయిక‌గా నటించిన ఈ చిత్రాన్ని శ్రీదేవి మూవీస్ పతాకంపై శివలెంక కృష్ణ ప్రసాద్ నిర్మించారు. జూన్ 15న ప్రపంచ వ్యాప్తంగా విడుదల కానున్న ఈ సినిమా కూడా.. ‘ప్రేమకథా చిత్రమ్’ లాగే సుధీర్ బాబు కెరీర్‌లో మ‌రో బిగ్గెస్ట్ హిట్ మూవీగా నిలుస్తుందేమో చూడాలి.