விஷ்வ இந்து பரிசத் தலைவர் பிரவீன் தொகாடியா திடீரென மாயமாகிவிட்டதால் பெரும் பரபரப்பு ஏற்பட்டுள்ளது.

ஒரு பழைய வழக்கு தொடர்பாக விஷ்வ இந்து பரிசத் தலைவர் பிரவீன் தொகாடியா அவர்களுக்கு சம்மன் கொடுக்க ராஜஸ்தான் போலீசார் அகமதாபாத்தில் உள்ள பிரவீன் தொகாடியா வீட்டிற்கு வந்தபோது அவரை காணாமல் அதிர்ச்சி அடைந்தனர்

இந்த நிலையில் குஜராத் போலீசார் நான்கு தனிப்படைகளை அமைத்து அவரை தேடி வருவதாக செய்திகள் வெளிவந்துள்ளது. மேலும் பிரவின் தொகாடியாவை ராஜஸ்தான் போலீசார் கைது செய்து ரகசிய இடத்தில் வைத்திருப்பதாக வெளிவந்து கொண்டிருக்கும் வதந்தியை போலீசார் மறுத்துள்ளனர்.

2 குழந்தைகளுக்கு மேல் உள்ள முஸ்லீம்களுக்கு தண்டனை கொடுக்க வேண்டும், பாகிஸ்தான் ராணுவ வீரர்கள் 50 பேரின் தலையை, இந்திய அரசு துண்டிக்க வேண்டும் போன்ற சர்ச்சைக்குரிய கருத்துக்களை தெரிவித்தவர்தான் இந்த பிரவீன் தொகாடியா என்பது குறிப்பிடத்தக்கது.