ప్రవీణ్ సత్తారు మ‌ల్టీస్టార‌ర్ మూవీ
- IndiaGlitz, [Thursday,December 07 2017]
'చందమామ కథలు' సినిమాతో నేషనల్ అవార్డును గెలుచుకున్న డైరెక్టర్ ప్రవీణ్ సత్తారు. తాజాగా 'పిఎస్‌వి గరుడవేగ 126.18ఎం' సినిమాతో విమర్శకుల ప్రశంసలు అందుకున్నారు ప్రవీణ్. దాదాపు 10 సంవత్సరాలుగా విజయం కోసం పరితపిస్తున్న డా. రాజశేఖర్ కి ఈ సినిమాతో సక్సెస్ ని అందించారు.
ఈ డైరెక్టర్ టేకింగ్ కి అందరూ ఫిదా అయిపోయారు. ప్రస్తుతం ప్రవీణ్ తన అప్ కమింగ్ ప్రాజెక్టుని శ్రేష్ట్ మూవీస్ సంస్థ‌లో చేస్తున్నారు. ఇది నితిన్ హోం బ్యానర్ కావడం విశేషం. తాజా సమాచారం ప్రకారం ఈ సినిమాకి సంబంధించి ఇప్పటికే ప్రవీణ్ కథను రెడీ చేసారు. ఇది ఒక మల్టీ స్టారర్ మూవీ. భారీ బడ్జెట్ తో తెరకెక్కుతున్న ఈ సినిమాలో ముగ్గురు హీరోలు నటించే అవ‌కాశం ఉంద‌ట.
ఇప్పటికే నితిన్, రానా పేర్లు ఫైనల్ చేసార‌ని తెలిసింది. మరో హీరోగా నారా రోహిత్ పేరు పరిశీలనలో ఉంద‌ని సమాచారం. ఈ సినిమాకి '3 కజిన్స్' అనే పేరుని అనుకుంటున్నారు. వచ్చే ఏడాది ఆరంభంలో ఈ మూవీ సెట్స్ పైకి వెళ్లనుంది. ఈ చిత్రానికి సంబంధించి మరింత అధికారిక సమాచారాన్ని త్వరలో వెల్లడించనుంది చిత్ర యూనిట్. కాగా, పుల్లెల గోపీచంద్ బ‌యోపిక్‌ని కూడా ప్రవీణ్ తెర‌కెక్కించేందుకు స‌న్నాహాలు జ‌రుగుతున్నాయి.