பிரசாந்தின் 'சாஹசம்' படத்தின் சென்சார் விபரங்கள்
- IndiaGlitz, [Saturday,November 07 2015]
கடந்த 90கள் மற்றும் 2000ஆம் ஆண்டுகளில் பல சூப்பர் ஹிட் கொடுத்த முன்னணி நடிகர்களில் ஒருவரான நடிகர் பிரசாந்த்துக்கு கடந்த 2011ஆம் ஆண்டு மம்பட்டியான் மற்றும் கலைஞரின் 'பொன்னர் சங்கர்' ஆகிய படங்களுக்கு பின்னர் வேறு படங்கள் எதுவும் வெளிவரவில்லை. இந்நிலையில் நான்கு வருடங்கள் கழித்து மீண்டும் அவருடைய படம் ஒன்று வெளிவர ஆயத்தமாகி வருகிறது.
இயக்குனர் அருண் ராஜ்வர்மா இயக்கத்தில் கடந்த சில மாதங்களாக உருவாகி வந்த 'சாஹசம்' படத்தின் மூலம்தான் பிரசாந்த் கோலிவுட்டில் மீண்டும் ரீ எண்ட்ரி ஆகிறார். இந்த படத்தில் பிரசாந்த், அமந்தா, அபிதா, நாசர், தம்பி ராமையா, தேவதர்ஷினி உள்பட பலர் நடித்துள்ளனர். எஸ்.தமன் இசையமைத்துள்ள இந்த படத்தை பிரசாந்தின் தந்தை தியாகராஜன் தயாரித்துள்ளார். இந்த படத்தின் படப்பிடிப்பு கடந்த சில வாரங்களுக்கு முன்னர் முடிவடைந்தது.
இந்நிலையில் இந்த படம் நேற்று சென்சார் செய்யப்பட்டது. இந்த படத்திற்கு சென்சார் அதிகாரிகள் 'யூ' சர்டிபிகேட் அளித்துள்ளனர். 134 நிமிடங்கள் ஓடும் இந்த படம் அல்லு அர்ஜூன் நடிப்பில் தெலுங்கில் சூப்பர் ஹிட் அடைந்த 'Julaiyi' என்ற படத்தின் தமிழ் ரீமேக் என்பது குறிப்பிடத்தக்கது.