கடந்த 2011ஆம் ஆண்டு மம்பட்டியான்' படத்திற்கு பின்னர் சில வருட இடைவெளிக்கு பின்னர் பிரசாந்த் நடித்து வரும் 'சாஹசம்' திரைப்படம் வரும் பிப்ரவரி மாதம் 5ஆம் தேதி வெளியாகவுள்ளது என்பதை ஏற்கனவே பார்த்தோம். இந்நிலையில் இந்த படத்தின் டிரைலர் ரிலீஸ் தேதி குறித்த தகவல் தற்போது வெளிவந்துள்ளது.

வரும் பொங்கல் திருநாளில் 'தாரை தப்பட்டை', 'கதகளி', 'கெத்து', மற்றும் 'ரஜினிமுருகன்' ஆகிய நான்கு திரைப்படங்கள் வெளியாகவுள்ள நிலையில் அதே நாளில் பொங்கல் விருந்தாக 'சாஹசம்' படத்தின் டிரைலரும் வெளியாகவுள்ளதாக கூறப்படுகிறது. இந்த படத்தை தமிழகம் முழுவதும் பிரபல நிறுவனமான ஸ்ரீதேனாண்டாள் பிலிம்ஸ் நிறுவனம் வெளியிடுகிறது என்பது குறிப்பிடத்தக்கது.

பிரசாந்த், அமந்தா, அபிதா, தம்பிராமையா, நாசர், தேவதர்ஷினி, எம்.எஸ்.பாஸ்கர், ஜான் விஜய் உள்பட பலர் நடித்துள்ள இந்த படத்தில் நர்கீஸ் ஃபக்ரி சிறப்பு தோற்றத்தில் நடித்துள்ளார். எஸ்.தமன் இசையமைத்துள்ள இந்த படத்தை தியாகராஜனின் ஸ்டார் மூவீஸ் நிறுவனம் பெரும் பொருட்செலவில் தயாரித்துள்ளது. இந்த படத்தை அருண் ராஜ்வர்மா என்பவர் இயக்கியுள்ளார்.