బాలీవుడ్‌లో ఘన విజ‌యాన్ని సాధించిన చిత్రం క్వీన్‌. కంగనా ర‌నౌత్ టైటిల్ పాత్ర‌లో న‌టించింది. ఈ చిత్రాన్ని ద‌క్షిణాది భాష‌లన్నింటిలోనూ మ‌నుకుమార్ రీమేక్ చేస్తున్నారు. నాలుగు భాష‌ల్లో న‌లుగురు హీరోయిన్స్ న‌టిస్తున్నారు.

కన్న‌డ, త‌మిళ వెర్ష‌న్‌ను ర‌మేష్ అర‌వింద్ డైరెక్ట్ చేస్తే.. మ‌ల‌యాళ వెర్ష‌న్‌ను నీల‌కంఠ డైరెక్ట్ చేశారు. స‌మ‌స్య వ‌చ్చింద‌ల్లా తెలుగు వెర్ష‌న్‌కే. తెలుగులో ముందు స‌గం సినిమాను నీల‌కంఠ డైరెక్ట్ చేశారు. త‌ర్వాత నీల‌కంఠ‌, త‌మ‌న్నాల‌కు ఏదో గొడ‌వ రావ‌డంతో నీల‌కంఠ ప్రాజెక్ట్ నుండి త‌ప్పుకున్నాడు.

ఆ స్థానంలో అ! ఫేమ్ ప్ర‌శాంత్ వ‌ర్మ సినిమాను డైరెక్ట్ చేశాడు. అయితే రీసెంట్‌గా నాలుగు భాష‌ల‌కు చెందిన ఫ‌స్ట్‌లుక్స్‌ను విడుద‌ల చేశారు. అందులో తెలుగు వెర్ష‌న్‌కు డైరెక్ట‌ర్ పేరు లేదు. ఇద్ద‌రు డైరెక్ట‌ర్స్ సినిమాను డైరెక్ట్ చేయ‌డంతో.. యూనిట్ ఎవ‌రికీ క్రెడిట్ ఇవ్వ‌లేదు. ఓ ర‌కంగా ద‌ర్శ‌కుడు ప్ర‌శాంత్ వ‌ర్మ‌కు ఇది ఓ ర‌కంగా ఇబ్బంది క‌ర‌మైన స‌మస్యనే చెప్పాలి.