பிரசாந்த் நடிக்கும் அடுத்த பட டைட்டில் இதுதான்....
- IndiaGlitz, [Thursday,April 14 2016]
ஒரு காலத்தில் அஜித், விஜய்க்கு நிகரான ஹீரோவாக கோலிவுட்டில் வலம் வந்த நடிகர் பிரசாந்த் இடையில் ஏற்பட்ட ஒருசில பிரச்சனைகள் காரணமாக சினிமாவில் இருந்து ஒருசில ஆண்டுகள் விலகியிருந்தார். இந்நிலையில் சமீபத்தில் வெளியான 'சாகசம்' படத்தின் மூலம் ரீ எண்ட்ரி ஆனார். சாகசம் படம் எதிர்பார்த்த வெற்றியை பெறாவிட்டாலும் தற்போது அடுத்து தற்போதைய கோலிவுட் டிரண்ட் பேய்ப்படம் ஒன்றை தொடங்கியுள்ளார்.
இந்த புதிய படத்திற்கு 'நானும் நீயும் நடுவில பேயும்' என்ற டைட்டில் வைக்கப்பட்டுள்ளது. இந்த படத்திற்கான பூஜை நேற்று சென்னையில் நடைபெற்றது. இந்த படத்தில் நடிக்கும் நடிகர், நடிகைகள் மற்றும் தொழில்நுட்ப கலைஞர்களின் தேர்வு நடைபெற்று வருவதாகவும் விரைவில் இந்த படத்தின் படப்பிடிப்பு ஆரம்பமாகும் என்று கூறப்படுகிறது.
இது ஒரு ஹாரர் காமெடி படம் என்றும், நகைச்சுவை மற்றும் திகில் ஆகியவை சம அளவில் கலந்து உருவாக்கப்படும் படம் என்றும் கூறப்படுகிறது.