பிரசன்னாவின் அடுத்த படத்தில் இரண்டு பிரபலங்கள்
- IndiaGlitz, [Friday,June 17 2016]
பிரபல கோலிவுட் நடிகரும், நடிகை சினேகாவின் கணவருமான பிரசன்னாவுக்கு கடந்த 2014ஆம் ஆண்டுக்கு பின்னர் எந்த படமும் வெளிவராத நிலையில் தற்போது அவர் புதிய படம் ஒன்றில் நடிக்க ஒப்பந்தமாகியுள்ளதாக செய்திகள் வெளிவந்துள்ளது.
லண்டனை சேர்ந்த தமிழர் ஒருவர் இயக்கவுள்ள இந்த படத்தில் பிரசன்னா வித்தியாசமான வேடத்தில் நடிக்கவுள்ளதாகவும் இதற்காக அவர் ஜிம்முக்கு சென்று உடல் எடையை அதிகரித்து வருவதாகவும் கூறப்படுகிறது.
மேலும் இந்த படத்தில் பிரசன்னாவுக்கு ஜோடியாக நடிக்க பிரபல நடிகை ராய்லட்சுமியும் வில்லனாக நடிக்க கணேஷ் வெங்கட்ராமனும் ஒப்பந்தம் செய்யப்பட்டுள்ளதாகவும் தகவல்கள் வெளிவந்துள்ளது. பிரசன்னாவுடன் ராய்லட்சுமி மற்றும் கணேஷ் வெங்கட்ராமன் ஆகிய இரண்டு பிரபலங்கள் இணைவதால் இந்த படத்திற்கு நல்ல வரவேற்பு கிடைக்கும் என எதிர்பார்க்கப்படுகிறது.