సునీల్ చిత్రంలో ప్రకాష్ రాజ్...
- IndiaGlitz, [Wednesday,October 26 2016]
సునీల్ హీరోగా 'ఓన‌మాలు', 'మ‌ళ్ళీ మ‌ళ్ళీ ఇది రాని రోజు' చిత్రాల ద‌ర్శ‌కుడు క్రాంతి మాధ‌వ్ ద‌ర్శ‌క‌త్వంలో ఓ సినిమాను ప‌రుచూరి ప్ర‌సాద్ నిర్మిస్తున్న సంగ‌తి తెలిసిందే.ఈ చిత్రానికి 'ఉంగ‌రాల రాంబాబు' అనే టైటిల్ ప‌రిశీల‌న‌లో ఉంది. ప్ర‌స్తుతం సినిమా చిత్రీక‌ర‌ణ ద‌శ‌లో ఉంది. ఈ సినిమాలో మియా జార్జ్ హీరోయిన్‌గా న‌టిస్తుంది. ముందు హీరోయిన్ తండ్రి క్యారెక్ట‌ర్ కోసం స‌త్య‌రాజ్‌, నాగినీడు పేర్లు ప‌రిశీల‌న‌లోకి వ‌చ్చాయి. అయితే చివ‌ర‌కు ద‌ర్శ‌క నిర్మాత‌లు ఈ పాత్ర‌కు ప్రకాష్ రాజ్ అయితే స‌రిపోతాడ‌ని భావించి, త‌న‌ను సంప్ర‌దించార‌ట. ప్రకాష్ రాజ్ కూడా గ్రీన్ సిగ్న‌ల్ ఇచ్చాడ‌ని స‌మాచారం.
మెడియ‌న్ ట‌ర్డ్న్ హీరో సునీల్ మంచి స‌క్సెస్ కోసం చాలా కాలంగా ఎదురుచూస్తున్నాడు. జ‌యాప‌జ‌యాల‌కు సంబంధం లేకుండా వ‌రుస సినిమాలు చేస్తున్నాడు. ఈ ఏడాది ఏకంగా మూడు సినిమాల‌ను ప్రేక్ష‌కుల ముందుకు తీసుకొచ్చాడు. వాసువ‌ర్మ ద‌ర్శ‌క‌త్వంలో 'కృష్ణాష్ట‌మి', వంశీ ఆకెళ్ల ద‌ర్శ‌క‌త్వంలో 'జ‌క్క‌న్న', వీరుపోట్ల ద‌ర్శ‌క‌త్వంలో 'ఈడు గోల్డ్ ఎహే' చిత్రాలు బాక్సాఫీస్ వ‌ద్ద అనుకున్న స‌క్సెస్ సాధించ‌లేక‌పోయాయి. ఇప్పుడు సునీల్ త‌న అశ‌ల‌ను 'ఉంగ‌రాల రాంబాబు' పైనే పెట్టుకున్నాడు.