சிவகார்த்திகெயன் - மோகன் ராஜா படத்தில் இணைந்த பிரபல நடிகர்
- IndiaGlitz, [Wednesday,September 21 2016]
சிவகார்த்திகேயன் நடித்து முடித்துள்ள 'ரெமோ' படத்தின் டிரைலர் சமீபத்தில் வெளியாகி பெரும் பரபரப்பை ஏற்படுத்தியுள்ள நிலையில் இந்த படம் வரும் அக்டோபர் 7ஆம் தேதி பிரமாண்டமாக உலகம் முழுவதும் வெளியாகவுள்ளது.
இந்நிலையில் மோகன் ராஜா இயக்கத்தில் 24ஏஎம் ஸ்டுடியோ நிறுவனத்தின் தயாரிப்பில் சிவகார்த்திகேயன் ஒரு படத்தில் நடிக்கவுள்ளார் என்பதையும் இந்த படத்தில் அவருக்கு ஜோடியாக லேடி சூப்பர் ஸ்டார் நயன்தாரா நடிக்கவுள்ளார் என்பதையும் ஏற்கனவே பார்த்தோம்.
இந்நிலையில் தற்போது இந்த படத்தில் நடிக்க பிரகாஷ்ராஜ் ஒப்பந்தமாகியுள்ளார். இவருடைய இணைப்பு இந்த படத்தின் எதிர்பார்ப்பை மிகப்பெரிய அளவில் உயர்த்தியுள்ளது என்பது குறிப்பிடத்தக்கது. இந்த படத்தின் ஆரம்பகட்ட பணிகள் நடந்து வருவதாகவும் மிக விரைவில் இந்த படத்தின் படப்பிடிப்பு தொடங்கவுள்ளதாகவும் கூறப்படுகிறது.