மலையாள திரைப்பட நடிகர் சங்கத்தின் தலைவரான மோகன்லால், சமீபத்தில் நடிகை ஒருவரை கடத்தியதாக குற்றம் சாட்டப்பட்ட திலீப்பை மீண்டும் சங்கத்தில் சேர்த்து கொள்ள சம்மதித்தார். மோகன்லாலின் இந்த முடிவை மலையாள திரையுலகினர் பலர் எதிர்த்தனர்.

இந்த நிலையில் வரும் ஆகஸ்ட் 8ஆம் தேதி கேரலா மாநிலத் திரைப்பட விருது விழா நடைபெறவுள்ளது. இந்த விழாவில் மோகன்லால் கலந்து கொள்ள கூடாது என்று பல்வேறு தரப்பினர் வழக்குப்பதிவு செய்தனர். இதில் நடிகர் பிரகாஷ்ராஜ் அவர்களும் ஒருவர் என கூறப்பட்டது

ஆனால் நடிகர் பிரகாஷ்ராஜ் இந்த தகவலை தனது சமூகவலைத்தளத்தில் மறுத்துள்ளார். இது முழுக்க முழுக்க வதந்தி என்றும், மோகன்லாலுக்கு எதிராக தான் எந்த வழக்கும் பதிவு செய்யவில்லை என்றும், இந்த விருது வழங்கும் விழாவில் மோகன்லால் கலந்துகொள்ள தான் எந்த எதிர்ப்பும் தெரிவிக்கவில்லை' என்றும் குறிப்பிட்டுள்ளார்.

மோகன்லால் மற்றும் பிரகாஷ்ராஜ் இருவரும் இணைந்து மணிரத்னம் இயக்கிய 'இருவர்' படத்தில் நடித்துள்ளனர் என்பது குறிப்பிடத்தக்கது.

Clarifying... against s a wrong news doing the rounds pic.twitter.com/PIcyua2GA2

— Prakash Raj (@prakashraaj) July 24, 2018