ప్రకాష్ రాజ్ పెద్ద మనసు...
- IndiaGlitz, [Tuesday,June 27 2017]
విల‌క్ష‌ణ న‌ట‌న‌తో మెప్పించే ప్రకాష్ రాజ్ త‌న మనసు కూడా పెద్దదేన‌ని మ‌రోసారి నిరూపించుకున్నాడు. శ్రీమంతుడు చిత్రంలో మహేష్ త‌న‌కు న‌చ్చిన విధంగా ఓ గ్రామాన్ని ద‌త్త‌త తీసుకుని అభివృద్ధి చేస్తాడు. అలాగే ఇప్పుడు ప్రకాష్ రాజ్ మ‌హ‌బూబ్‌న‌గ‌ర్ జిల్లాలోని కొండారెడ్డి ప‌ల్లి గ్రామాన్ని ద‌త్త‌త తీసుకుని దాని అభివృద్ధికి ఎంత‌గానో పాటు ప‌డుతున్నాడు.
ప్రకాష్ రాజ్ ఫౌండేష‌న్ త‌ర‌పున ఆ గ్రామంలోని చోటేమియా అనే వ్య‌క్తి ఇంటికి మ‌ర‌మ‌త్తులు చేయించి రంజాన్ కానుక‌గా అందించాడు. ఈ విష‌యాన్ని ప్రకాష్ రాజ్ త‌న ట్విట్ట‌ర్ ద్వారా తెలియ‌జేశాడు. ఫోటోల‌ను కూడా తీసుకున్నాడు. శ్రీమంతుడు త‌ర్వాత చాలా మంచి సినీ సెల‌బ్రిటీలు వారికి న‌చ్చిన గ్రామాల‌ను ద‌త్త‌త తీసుకున్నారు. మహేష్ ఏకంగా రెండు గ్రామాల‌ను ద‌త్త‌త తీసుకుని గ్రామాభివృద్ధికి త‌న వంతు స‌హాయం చేస్తున్నాడు. స‌చిన్‌, సుమ‌న్ ఇలా చాలా మంది ఇదే బాట‌లో న‌డుస్తున్నారు.