ప్రకాష్ రాజ్ పోటీ ఎక్క‌డో చెప్పేశాడు
- IndiaGlitz, [Saturday,January 05 2019]
విల‌క్ష‌ణ న‌టుడు ప్రకాష్ రాజ్ ఇన్ని రోజులు సోష‌ల్ మీడియా మాధ్య‌మం ద్వారా ప్ర‌ధాని మోడీని, బిజెపి చర్య‌ల‌ను 'జ‌స్ట్ ఆస్కింగ్..' పేరుతో ఎండ‌గ‌డుతూ వ‌చ్చారు. రీసెంట్‌గా ఆయ‌న లోక్‌స‌భ ఎన్నిక‌ల్లో పోటీ చేయ‌బోతున్న‌ట్లు కూడా ప్ర‌క‌టించిన సంగ‌తి తెలిసిందే.
ఇప్పుడు ఆయ‌న తను ఎక్క‌డ నుండి పోటీ చేసేద‌నే విష‌యంపై ఓ క్లారిటీ ఇచ్చేశారు. క‌ర్ణాట‌క రాజ‌ధాని బెంగ‌ళూరు సెంట్ర‌ల్ నియోజ‌క వ‌ర్గం నుండి లోక్‌స‌భ‌కు పోటీ చేయ‌బోతున్నారు.
ఏ రాజ‌కీయ పార్టీతో సంబంధం లేకుండా ప్రకాష్ రాజ్ ఇండిపెండెంట్‌గా పోటీ చేయనుండ‌టం గ‌మ‌నార్హం. మ‌రికొన్ని రోజుల్లో మ‌రికొన్ని వివరాల‌ను తెలియ‌జేస్తాన‌ని త‌న ట్విట్ట‌ర్ అకౌంట్ ద్వారా తెలిపారు ప్రకాష్ రాజ్.