రొమాంటిక్ కింగ్ తో బ్యూటీ క్వీన్ ప్రగ్యా..!
Thursday, December 8, 2016 • తెలుగు
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
న‌వ‌ర‌స స‌మ్రాట్ నాగార్జున - దర్శకేంద్రుడు రాఘవేంద్రరావు కాంబినేష‌న్లో రూపొందుతున్న నాలుగ‌వ భ‌క్తిర‌స చిత్రం ఓం న‌మో వేంక‌టేశాయ. ఈ చిత్రాన్ని శిరిడి సాయి చిత్ర నిర్మాత మ‌హేష్ రెడ్డి నిర్మిస్తున్నారు. హ‌ధీరామ్ బాబా జీవిత చ‌రిత్ర ఆధారంగా ఈ చిత్రం రూపొందుతుంది. దాదాపు షూటింగ్ పూర్తి చేసుకున్న ఈ చిత్రం ప్ర‌స్తుతం పోస్ట్ ప్రొడక్షన్ వ‌ర్క్ జ‌రుపుకుంటుంది. రొమాంటిక్ కింగ్ నాగార్జున...రొమాన్స్ లో పిహెచ్డీ చేసిన ప్రిన్సిపాల్ దర్శకేంద్రుడు క‌లిసి సినిమా చేస్తే...ఆ సినిమాలో రొమాన్స్ ఎలా ఉంటుందో ఊహించుకోవ‌చ్చు. భ‌క్తిర‌స చిత్రంగా రూపొందుతున్న ఓం న‌మో వేంక‌టేశాయ చిత్రంలో కూడా రొమాంటిక్ సీన్స్ ఉన్నాయి.
అస‌లు చెప్పాలంటే....ర‌క్తి త‌ర్వాతే భ‌క్తి. అందుక‌నే దర్శకేంద్రుడు ఈ భ‌క్తిర‌స చిత్రంలో హ‌థీరామ్ బాబా రొమాంటిక్ యాంగిల్ కూడా చూపిస్తున్నారు. నాగార్జున, ప్రగ్యా జైస్వాల్ పై ఇటీవ‌ల ఓ రొమాంటిక్ సాంగ్ చిత్రీక‌రించారు. ఈ రొమాంటిక్ సాంగ్ కి సంబంధించిన వ‌ర్కింగ్ స్టిల్స్ రిలీజ్ చేసారు. ఫ‌స్ట్ టైమ్ జంట‌గా న‌టిస్తున్న నాగార్జున, ప్రగ్యా జైస్వాల్ రొమాంటిక్ స్టిల్స్ చూస్తుంటే అన్నివ‌ర్గాల ప్రేక్ష‌కులను ఆక‌ట్టుకుని ఓం న‌మో వేంక‌టేశాయ సంచ‌ల‌న విజ‌యం సాధించ‌డం ఖాయం అనిపిస్తుంది. ఈ ఆధ్యాత్మిక చిత్రాన్నిప్ర‌పంచ వ్యాప్తంగా ఫిబ్ర‌వ‌రి 10న రిలీజ్ చేయ‌డానికి ప్లాన్ చేస్తున్న‌ట్టు స‌మాచారం.
జగపతిబాబు, ప్రగ్యా జైస్వాల్, విమలా రామన్‌, రావు రమేష్‌, వెన్నెల కిషోర్‌, ప్రభాకర్‌, రఘుబాబు ఇతర ముఖ్యపాత్రలు పోషిస్తున్నారు.
దర్శకేంద్రుడు కె.రాఘవేంద్రరావు రూపొందిస్తున్న ఈ చిత్రానికి స్వరవాణి ఎం.ఎం.కీరవాణి సంగీతాన్ని అందిస్తున్నారు. ఎస్‌.గోపాల్‌రెడ్డి, జె.కె.భారవి, కిరణ్‌కుమార్‌ మన్నె, గౌతంరాజు ఇతర సాంకేతిక వర్గం.
Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.
Follow
More News
Headlines
Comments