న‌క్ష‌త్రంలో ప్ర‌గ్యా జైస్వాల్ లుక్ రిలీజ్ చేసిన చ‌ర‌ణ్..!
- IndiaGlitz, [Tuesday,October 18 2016]
క్రియేటివ్ డైరెక్ట‌ర్ కృష్ణ‌వంశీ తెర‌కెక్కిస్తున్న చిత్రం న‌క్ష‌త్రం. ఈ చిత్రంలో సందీప్ కిష‌న్, రెజీనా జంట‌గా న‌టిస్తున్నారు. కంచె సినిమాతో తెలుగు ప్రేక్ష‌కుల‌ను ఎంత‌గానో ఆక‌ట్టుకున్న ప్ర‌గ్యా జైస్వాల్ ఈ చిత్రంలో ఓ ప్ర‌త్యేక పాత్ర పోషిస్తుంది. న‌క్ష‌త్రం చిత్రంలోని ప్ర‌గ్యా జైస్వాల్ లుక్ ను మెగా ప‌వ‌ర్ స్టార్ రామ్ చ‌ర‌ణ్ రిలీజ్ చేసారు.
ఈ ఫ‌స్ట్ లుక్ లో ప్ర‌గ్యా...గ‌న్ ప‌ట్టుకుని చాలా ఠీవిగా కూర్చొని ఉంది. త‌న గ‌త చిత్రానికి పూర్తి భిన్నంగా ఉన్న స్టిల్ చూస్తుంటే...పోలీస్ గా న‌టిస్తుందేమో అనిపిస్తుంది. మెగా హీరో సాయిధ‌ర‌మ్ తేజ్ కూడా పోలీస్ గా స్పెష‌ల్ రోల్ చేస్తున్న విష‌యం తెలిసిందే. పోలీస్ అవ్వాల‌నుకునే ఓ యువ‌కుడి క‌థ‌గా రూపొందుతున్న ఈ చిత్రాన్ని కె.శ్రీనివాసులు, ఎస్.వేణుగోపాల్, స‌జ్జు సంయుక్తంగా నిర్మిస్తున్నారు.