ரூபாய் 5 கோடி பட்ஜெட்டில் தயாரான பிரதீப் ரங்கநாதனின் ’லவ்டுடே’ திரைப்படம் 50 கோடி ரூபாய் வசூல் செய்திருப்பதாக தகவல் வெளியாகி உள்ளன.

ஜெயம் ரவி, காஜல் அகர்வால் நடித்த ‘கோமாளி’ என்ற திரைப்படத்தின் மூலம் இயக்குனராக அறிமுகமான பிரதீப் ரங்கநாதன் இயக்கத்தில் உருவான ’லவ்டுடே’ திரைப்படம் சமீபத்தில் வெளியானது. இந்த படத்தில் அவரே நாயகனாக நடித்து இருந்தார் என்பதும் இவானா நாயகியாக நடித்திருந்தார் என்பது குறிப்பிடத்தக்கது.

இந்த படம் மிகப்பெரிய வரவேற்பை பெற்றது என்பதும் குறிப்பாக இளைய தலைமுறை இந்த படத்தை கொண்டாடி வருகின்றனர் என்பதும் தெரிந்ததே. இந்த படம் வெளியாகி ஒரு சில நாட்களில் 25 கோடி ரூபாய் வசூல் செய்ததாக கூறப்பட்ட நிலையில் தற்போது 50 கோடி ரூபாய் கிளப்பில் இணைந்து உள்ளதாக தகவல் வெளியாகியுள்ளது.

வெறும் 5 கோடி பட்ஜெட்டில் உருவான இந்த படம் பத்து மடங்கு வசூல் செய்துள்ளது கோலிவுட் திரையுலகில் பெரும் ஆச்சரியத்தை ஏற்படுத்தி உள்ளது. இதனை அடுத்து திரையுலகினர் இயக்குனர் பிரதீப் ரங்கநாதனுக்கு வாழ்த்துக்களை தெரிவித்து வருகின்றனர். இந்த நிலையில் பிரதீப் ரங்கநாதனின் அடுத்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது.