சற்றுமுன் வெளியான புரமோவில் பிக்பாஸ் போட்டியாளர்கள் பிரதீப் மீது கமல்ஹாசனிடம் சரமாரியாக குற்றச்சாட்டு தெரிவித்தனர் என்பதை பார்த்தோம்.

அசிங்கமான கெட்ட வார்த்தைகள் பேசுகிறார், பெண் போட்டியாளர் அரைஞாண் கயிறு குறித்து விமர்சனம் செய்கிறார், டோர் மூடாமல் டாய்லெட் போகிறார், எதிர்த்து கேட்டால் அப்படித்தான் பேசுவேன் என்று திமிராக பேசுகிறார் என கமல்ஹாசனிடம் ஜோவிகா, ரவீனா, பூர்ணிமா, விஷ்ணு, மணி சந்திரா, நிக்சன் உள்ளிட்டோர் குற்றச்சாட்டு தெரிவித்துள்ளனர்.

இந்த குற்றச்சாட்டை அடுத்து கமல்ஹாசன் இதற்கு என்ன தீர்ப்பு வழங்க வேண்டும் என்று எனக்கு தெரியும் என்று கூறினார். இதனை அடுத்து பிரதீப்புக்கு ரெட் கார்டு வழங்கப்படும் என்று எதிர்பார்க்கப்பட்டது.

இந்த நிலையில் சற்றுமுன் வெளியான தகவலின்படி பிரதீப் எவிக்சன் செய்யப்பட்டு விட்டதாக கூறப்படுவது பெரும் அதிர்ச்சியை ஏற்படுத்தி உள்ளது. பிரதீப் நாமினேஷனில் இல்லை என்பதால் அவர் குறைந்த வாக்குகளின் அடிப்படையில் வெளியேற்றப்பட வாய்ப்பு இல்லை. இதனால் அவர் கமல்ஹாசன் கொடுத்த தீர்ப்பு காரணமாக வெளியேற்றப்பட்டு இருக்கலாம் என்று கூறப்படுகிறது.

பிரதீப் இல்லாத பிக்பாஸ் நிகழ்ச்சி எப்படி இருக்கும் என்பதை போக போக தான் பார்க்க வேண்டும்.