பிரபுதேவா ,தமன்னா நடிப்பில் விஜய் இயக்கிய திகில் படமான 'தேவி' திரைப்படம் நல்ல வெற்றியை பெற்றதை அடுத்து மீண்டும் மூன்று மொழிகளில் ஒரு திகில் படத்தில் நடிக்க பிரபுதேவா ஒப்பந்தமாகியுள்ளார். இந்த படத்தின் பூஜை இன்று சென்னையில் நடைபெற்றது.

குறும்பட இயக்குனர் ஆகாஷ் சாம் இந்த படத்தின் மூலம் இயக்குனராக அறிமுகமாகிறார். திகில் படமாக இருந்தாலும் குடும்ப செண்டிமெண்ட் கலந்த படம் என்றும் ஃபேமிலி ஆடியன்ஸ்களை கவரும் வகையில் திரைக்கதை அமைக்கப்பட்டுள்ளதாகவும் இயக்குனர் தெரிவித்துள்ளார்.

பிரபுதேவா இந்த படத்தில் இதுவரை நடித்திராத தாவரவியல் நிபுணராக நடிக்கவுள்ளார். இன்றைய பூஜையை அடுத்து முதல்கட்ட படப்பிடிப்பு மைசூரில் மூன்று நாட்கள் நடைபெறவுள்ளதாகவும், 'அறம்' படத்தில் முக்கிய வேடத்தில் நடித்த ராம்ஸ், இந்த படத்திலும் ஒரு முக்கிய கேரக்டரில் நடிக்கவுள்ளதாகவும் இயக்குனர் தெரிவித்துள்ளார்

இந்த படத்தின் நாயகி உள்பட மற்ற நட்சத்திரங்கள் மற்றும் இசையமைப்பாளர் உள்பட மற்ற தொழில்நுட்ப கலைஞர்கள் தேர்வு நடைபெற்று வருவதாக கூறப்படுகிறது. மேலும் இந்த படத்திற்கு 20 வயது விஷ்ணு ராமகிருஷ்ணன் என்ற இளைஞர் ஒளிப்பதிவு செய்யவுள்ளார்.