நயன்தாரா கதையா 'தேவி'? பிரபுதேவா விளக்கம்
- IndiaGlitz, [Friday,September 30 2016]
பிரபுதேவா, தமன்னா, நடிப்பில் இயக்குனர் விஜய் இயக்கிய 'தேவி' திரைப்படம் வரும் அக்டோபர் 7ஆம் தேதி ரிலீஸ் ஆகவுள்ள நிலையில் இந்த படத்தின் புரமோஷன் பணிகளில் பிரபுதேவா உள்பட படக்குழுவினர் ஈடுபட்டு வருகின்றனர்.
இந்நிலையில் இந்த படத்தில் தமன்னா நடிகையாக நடிப்பதாலும், பிரபுதேவா ஹீரோவாக நடிப்பதாலும், இந்த படத்தின் கதை நயன்தாராவின் கதை என்று கூறப்பட்டது. சமீபத்தில் நடந்த புரமோஷன் நிகழ்ச்சியில் இதுகுறித்து பிரபுதேவாவிடம் கேட்கப்பட்டபோது, அவர் இதை முற்றிலும் மறுத்தார். நயன்தாராவுக்கும் இந்த கதைக்கும் சம்பந்தம் இல்லை என்று உறுதிபட கூறியுள்ளார்.
மேலும் தான் ஒரு இயக்குனராக இருந்தபோதிலும், இந்த படத்தில் விஜய்யின் இயக்குனர் பணியில் தலையிடவில்லை என்றும் எவ்வித குறுக்கீடும் இல்லாமல் அவர் கூறியபடி நடித்தேன்' என்றும் அவர் மேலும் கூறினார்.