நடிகர் திலகம் சிவாஜி கணேசனின் மகனும் நடிகருமான பிரபு இன்று காலை திமுக தலைவர் முக ஸ்டாலின் அவர்களை நேரில் சந்தித்து உள்ளார்.

சென்னை அண்ணா சாலையில் சிவாஜி குடும்பத்திற்கு சொந்தமான சாந்தி காம்ப்ளக்ஸ் தியேட்டர் இடிக்கப்பட்டு கடந்த சில மாதங்களாக சாந்தி காம்ப்ளக்ஸ் என்ற பிரமாண்டமான கட்டிடம் கட்டப்பட்டு வந்தது. இந்த காம்ப்ளக்ஸ் கட்டும் பணி தற்போது முடிவடைந்து வரும் 6ஆம் தேதி திறக்கப்பட உள்ளது
இந்த நிலையில் சாந்தி காம்ப்ளக்ஸ் திறப்பு விழாவிற்கு வருகை தந்து சிறப்பிக்க வேண்டும் என திமுக தலைவர் முக ஸ்டாலின் அவர்களை நேரில் சந்தித்து நடிகர் பிரபு அழைப்பிதழை வழங்கியுள்ளார். நடிகர் பிரபுவின் அன்பு அழைப்பிதழை ஏற்றுக்கொண்ட முகஸ்டாலின் திறப்பு விழா நிகழ்ச்சிக்கு கண்டிப்பாக வருவதாக வாக்குறுதி அளித்துள்ளார்

மேலும் இந்த நிகழ்ச்சிக்கு மேலும் பல அரசியல் மற்றும் திரையுலக பிரமுகர்கள் வருகை தருவார்கள் என்று எதிர்பார்க்கப்படுகிறது