బన్ని హీరోయిన్ తో రొమాన్స్ చేయనున్న ప్రభుదేవా..!
- IndiaGlitz, [Saturday,January 28 2017]
కొరియోగ్రాఫ‌ర్ గా, హీరోగా, డైరెక్ట‌ర్ గా ఇలా....త‌ను ప్ర‌వేశించిన ప్ర‌తి శాఖ‌లో స‌క్సెస్ సాధించిన ఇండియ‌న్ మైకేల్ జాక్స‌న్ ప్రభుదేవా ఇటీవ‌ల అభినేత్రి సినిమాతో ప్రేక్ష‌కుల ముందుకు వ‌చ్చిన విష‌యం తెలిసిందే. తాజాగా మ‌రో సినిమా చేసేందుకు రెడీ అవుతున్న‌ట్టు స‌మాచారం. హ‌ర్ర‌ర్ క‌థాంశం అభినేత్రి సినిమాతో ప్రేక్ష‌కుల‌ను అల‌రించిన ప్రభుదేవా ఈసారి మార్ష‌ల్ ఆర్ట్స్ బ్యాక్ డ్రాప్ తో రూపొందే ఎంట‌ర్ టైన‌ర్ లో న‌టించ‌నున్నారు.
ఈ చిత్రంలో ప్రభుదేవా స‌ర‌స‌న ఇద్ద‌ర‌మ్మాయిల‌తో, స‌రైనోడు చిత్రాల్లో న‌టించిన కేథ‌రిన్ న‌టిస్తుంద‌ని తెలిసింది. ఈ చిత్రానికి నూత‌న ద‌ర్శ‌కుడు అర్జున్ ద‌ర్శ‌క‌త్వం వ‌హించ‌నున్నారు. ఇక ఈ విభిన్న క‌థా చిత్రానికి వెరైటీగా యుంగ్ ముంగ్ సుంగ్ అనే టైటిల్ ఖ‌రారు చేసిన‌ట్టు స‌మాచారం. అయితే...ఈ ప్రాజెక్ట్ గురించి అఫిషియ‌ల్ గా ఎనౌన్స్ చేయాల్సి ఉంది.