என்னாத்துக்கு ஓட்டு? வைரலாகும் பிரபுதேவா மாஸ்டரின் தேர்தல் வீடியோ!
- IndiaGlitz, [Wednesday,March 17 2021]
நடிகர், நடன ஆசிரியர், இயக்குநர் எனப் பன்முக அடையாளங்களைக் கொண்ட நடிகர் பிரபுதேவா தமிழகச் சட்டப்பேரவை தேர்தலை ஒட்டி விழிப்புணர்வு ஏற்படுத்தும் வகையில் அமைந்த ஒரு வீடியோவில் பாடி இருக்கிறார். அந்த வீடியோவை தேர்தல் ஆணையம் வெளியிட்டு இருக்கிறது. மேலும் தேர்தலை மையமாக வைத்து எடுக்கப்பட்ட இந்த வீடியோ தற்போது சமூக வலைத்தளத்திலும் படு டிரெண்டாகி இருக்கிறது.
தமிழகம் உள்ளிட்ட 5 மாநிலங்களுக்கு தேர்தல் தேதி அறிவிக்கப்பட்டு தற்போது வேட்புமனு தாக்கல் நடைபெற்று வருகிறது. இதில் வாக்காளர்களின் பங்கு என்ன? ஒரு வாக்கு, அரசியல் களத்தில் என்ன செய்யும்? வாக்காளராக இருப்பதில் லாபம் என்ன? மேலும் அந்த வாக்கை எப்படி முறையாக செலுத்துவது? ஒருவேளை வாக்கை பணத்திற்காக விற்றுவிட்டால் என்ன நடக்கும்? என்பது போன்ற கேள்விகளை அரசியல் நிபுணர்கள் உள்ளிட்ட அனைவரும் தற்போது பொதுமக்கள் மத்தியில் எழுப்பி வருகின்றனர். ஆனால் இத்தகைய கேள்விகளை சினிமா பிரபலங்கள் எழுப்பும்போது அது மேலும் வலிமை பெற்றதாக மாறிவிடுகிறது.
அந்த வகையில் நடிகர் பிரபுதேவா தற்போது பாடி வெளியிட்டு இருக்கும் 2021 தேர்தல் விழிப்புணர்வு வீடியோவும் பொதுமக்கள் மத்தியில் பெரும் தாக்கத்தை ஏற்படுத்தும் என எதிர்ப்பார்க்கப் படுகிறது. மேலும் நடிகர் பிரபுதேவா 2021 ஆம் ஆண்டு தேர்தல் மட்டும் அல்லாது கடந்த 2019 ஆம் ஆண்டு நடைபெற்ற நாடாளுமன்றத் தேர்தலின்போதும் இதேபோல தேர்தல் விழிப்புணர்வு செய்யும் வீடியோவை வெளியிட்டு இருந்தார்.
அதைத் தொடர்ந்து தற்போதும் தமிழக தேர்தலுக்கான விளம்பரத் தூதராக நடிகர் பிரவுதேவா பணியாற்றி இருக்கிறார். இந்நிலையில் நடிகர் பிரபுதேவாவிற்கு நட்சத்திரங்கள் பலரும் வாழ்த்துகளைத் தெரிவித்து வருகின்றனர்.
Renowned choreographer and cinema personality Prabhu Deva, State SVEEP Icon for Tamil Nadu, encouraging voters to participate in an informed and ethical manner in this #AssemblyElection2021#ElectionCommissionOfIndia #ECI pic.twitter.com/ycJfHEQ8c4
— Election Commission of India #SVEEP (@ECISVEEP) March 15, 2021