முதலில் நடன இயக்குனர், அடுத்ததாக நடிகர், பின்னர் இயக்குனர் என கோலிவுட் மட்டுமின்றி டோலிவுட், பாலிவுட் திரையுலகிலும் முத்திரை பதித்தவர் பிரபுதேவா.

தற்போது பிரபுதேவா நடித்து வரும் படங்களில் ஒன்று 'சார்லி சாப்ளின் 2', கடந்த 2002ஆம் ஆண்டு வெளிவந்த 'சார்லி சாப்ளின்' படத்தின் இரண்டாம் பாகமாக உருவாகி வரும் இந்த படத்தை முதல் பாகத்தை இயக்கிய ஷக்தி சிதம்பரம் இயக்கி வருகிறார்.

இந்த நிலையில் இதுவரை நடன இயக்குனர், நடிகர், இயக்குனர் போன்ற அவதாரங்களில் ஜொலித்து கொண்டிருந்த பிரபுதேவா, இந்த படத்தின் மூலம் பாடலாசிரியராகவும் புதிய அவதாரம் எடுத்துள்ளார். இந்த படத்தில் அவர் எழுதிய 'இவளா இவளா ரொம்ப பிடிச்சிருக்கு' என்ற பாடல் நாளை வெளியாகவுள்ளது. இந்த பாடலை வெளியிடவுள்ள பிரபலம் யார் என்பது குறித்த அறிவிப்பு இன்றிரவு 7 மணிக்கு வெளியாகவுள்ளது என்பது குறிப்பிடத்தக்கது.