எம்ஜிஆர், சிவாஜி ஆகிய இரு ஜாம்பவான்களும் தமிழ் சினிமாவின் உச்சத்தில் இருந்தபோதே அவர்களுக்கு இணையான புகழை பெற்றவர் நகைச்சுவை நடிகர் சந்திரபாபு. வாழ்க்கையில் புகழின் உச்சத்தை பார்த்த சந்திரபாபு, கடைசி காலத்தில் வறுமையின் கொடுமையையும் அனுபவித்தவர்.

இந்த நிலையில் 'அமரன்' , சீவலப்பேரி பாண்டி உள்பட ஒருசில திரைப்படங்களை இயக்கிய கே.ராஜேஷ்வர், சந்திரபாபுவின் வாழ்க்கை வரலாறு திரைப்படத்தை இயக்க திட்டமிட்டுள்ளார். இந்த படத்தின் ஆரம்பகட்ட பணிகள் நடந்து வரும் நிலையில் இந்த படத்தில் சந்திரபாபு கேரக்டரை ஏற்று நடிக்கும் நடிகர் யாராக இருக்கும் என்பதே அனைவரின் கேள்வியாக இருந்தது

இந்த நிலையில் பிரபல நடிகர் பிரபுதேவா, சந்திரபாபு கேரக்டரில் நடிக்க பேச்சுவார்த்தை நடந்து வருவதாக செய்திகள் வெளிவந்துள்ளது. சந்திரபாபுவின் உயரம், உடல் எடை, உடல் மொழி ஆகியவை பிரபுதேவாவுக்கு கச்சிதமாக பொருந்தும் என்பதால் ஒரு நடிப்பு மேதையின் கேரக்டரில் அவர் நடிப்பாரா? என்பதை பொறுத்திருந்து பார்ப்போம்