பார்த்திபன் இயக்கிய 'கோடிட்ட இடங்களை நிரப்புக' திரைப்படம் கடந்த 2016ஆம் ஆண்டு வெளிவந்த நிலையில் அவர் விரைவில் 'உள்ளே வெளியே 2' திரைப்படம் இயக்கவுள்ளதாக செய்திகள் வெளிவந்துள்ளது. இந்த நிலையில் பார்த்திபன் இயக்கத்தில் ஏற்கனவே திரையில் வெற்றி பெற்ற ஜோடி நடிக்கவுள்ளதாக தகவல்கள் வெளிவந்துள்ளது.

இயக்குனர் ஏ.எல்.விஜய் இயக்கத்தில் பிரபுதேவா, தமன்னா ஜோடியாக நடித்த 'தேவி' திரைப்படம் மிகப்பெரிய ஹிட்டாகிய நிலையில் இந்த வெற்றி ஜோடி மீண்டும் ஒரு படத்தில் இணைகிறது. இந்த படத்தைத்தான் பார்த்திபன் இயக்கவுள்ளதாகவும், இதுவொரு கமர்ஷியல் த்ரில்லர் படம் என்றும் கூறப்படுகிறது. இந்த படம் குறித்த அதிகாரபூர்வ அறிவிப்பு இன்னும் சில நாட்களில் வெளிவரவுள்ளது.

பிரபுதேவா தற்போது 'பொன்மாணிக்கவேல்' என்ற படத்தில் போலீஸ் கேரக்டரில் நடித்து வருகிறார். மேலும் லக்ஷ்மி உள்பட ஒருசில படங்களிலும் நடித்து வரும் பிரபுதேவா விரைவில் பார்த்திபன் படத்தில் இணைவார் என்று எதிர்பார்க்கப்படுகிறது.