మెగా బ్ర‌ద‌ర్ నాగ‌బాబు త‌న‌యుడు వ‌రుణ్ తేజ్ న‌టించిన తాజా చిత్రం లోఫ‌ర్. ఈ చిత్రం ఆడియో వేడుక‌కు ముఖ్యఅతిధిగా యంగ్ రెబ‌ల్ స్టార్ ప్ర‌భాస్ హాజ‌ర‌యి..ఆడియోను ఆవిష్క‌రించారు. అయితే ప్ర‌భాస్ మాట్లాడేందుకు మైకు అందుకున్న స‌మ‌యంలో ప‌వ‌న్ ఫ్యాన్స్...ప‌వ‌ర్ స్టార్ ..ప‌వ‌ర్ స్టార్ అంటూ అరుపులు...కేక‌లు...ఎంత‌కీ ఆప‌క‌పోవ‌డంతో...ప్ర‌భాస్ కి కోపం వ‌చ్చింది. ఐ లైక్ ప‌వ‌ర్ స్టార్..ఇప్పుడు మాట్లాడ‌చ్చా..అని అడిగి మాట్లాడాడు.

మెగా హీరో ఆడియో ఫంక్ష‌న్ అని తెలిసినా...పూరి అడిగాడ‌ని అభిమానంతో ప్ర‌భాస్ వ‌చ్చాడు. అతిథిని గౌర‌వించ‌డం మ‌న సంప్ర‌దాయం. కానీ..ప‌వ‌న్ ఫ్యాన్స్ కి ఆ సంప్ర‌దాయం గురించి తెలియ‌ద‌నుకుంట‌. తెలిస్తే..ఇలా చేయ‌రు. లోఫ‌ర్ ఆడియో వేడుక‌లోనే కాదు...గ‌తంలో నితిన్ న‌టించిన చిన్న‌దాన‌ నీకోసం ఆడియో ఫంక్ష‌న్ లో కూడా ఇలాగే చేసారు. చిన్న‌దాన‌ నీకోసం ఆడియోకి అతిధిగా కింగ్ నాగార్జున వ‌చ్చారు. అప్పుడు కూడా అంతే నాగ్ మాట్లాడుతుంటే ప‌వ‌న్ ఫ్యాన్స్ ప‌వ‌ర్ స్టార్..ప‌వ‌ర్ స్టార్ అంటూ స్లోగ‌న్స్. ప‌వ‌న్ ఫ్యాన్స్ ఎప్పుడు మార‌తారో..? మేమింతే మారం అంటే మెగా హీరోల ఆడియో ఫంక్ష‌న్స్ కి బ‌య‌ట హీరోలును పిలిచినా రాని ప‌రిస్థితి ఏర్ప‌డ‌డం ఖాయం.