యంగ్ రెబ‌ల్ స్టార్ ప్ర‌భాస్ ప్ర‌స్తుతం జిల్ ఫేమ్ రాధాకృష్ణ కుమార్‌తో `జాన్`(ప‌రిశీల‌న‌లోకి టైటిల్‌) సినిమా చేస్తోన్న సంగ‌తి తెలిసిందే. ఈ సినిమా ఆల్రెడీ సెట్స్‌లో ఉంది. త‌ర్వాత ప్ర‌భాస్ ఏ సినిమా చేస్తాడ‌నే దానిపై క్లారిటీ రావాల్సి ఉంది. ప్ర‌స్తుతం ప్ర‌భాస్ నేష‌న‌ల్ స్టార్‌. బాహుబ‌లి త‌ర్వాత విడుద‌లైన సాహో ఆశించిన మేర ఫ‌లితాన్ని రాబ‌ట్టుకోలేక‌పోయిన‌ప్ప‌టికీ.. హిందీలో మాత్రం పెద్ద విజ‌యాన్నే సొంతం చేసుకుంది. దీంతో ప్ర‌భాస్ హిందీ మార్కెట్‌పై ప‌ట్టుకోల్పోలేద‌ని అర్థ‌మైంది. ఇప్పుడు జాన్ చిత్రాన్ని కూడా ప్యాన్ ఇండియా చిత్రంగానే చేయాల‌నుకుంటున్నారు. అయితే బ‌డ్జెట్ విష‌యంలో ప్ర‌భాస్ కేర్ తీసుకుంటున్నారు.

మ‌రి `జాన్‌` త‌ర్వాత ప్ర‌భాస్ చేయ‌బోయే సినిమా ఏంటి? అనే దానిపై సినీ వ‌ర్గాల్లో విన‌ప‌డుతున్న స‌మాచారం.. సురేంద‌ర్ రెడ్డి ద‌ర్శ‌క‌త్వంలో ప్ర‌భాస్ సినిమా ఉంటుంద‌నే వార్త‌లు విన‌ప‌డుతున్నాయి. సురేంద‌ర్ రెడ్డి సైరాతో నేష‌న‌ల్ రేంజ్ డైరెక్ట‌ర్‌గా పేరు తెచ్చుకున్నాడు. ఈయ‌న ప్ర‌స్తుతం ప్ర‌భాస్ కోసం ఓ క‌థ‌ను సిద్ధం చేస్తున్నాడ‌ట‌. అన్నీ స‌వ్యంగా కుదిరితే వీరి కాంబినేష‌న్‌లో సినిమా ఉంటుంద‌ని వార్త‌లు విన‌ప‌డుతున్నాయి. అస‌లు జాన్ ఇంకా సెట్స్‌లో ఉండ‌గానే ఇలాంటి వార్త‌లు రావ‌డం కామ‌న్‌గానే జ‌రుగుతాయ‌ని, ఇప్పుడు వాటి గురించి మాట్లాడ‌టం స‌మంజ‌సం కాద‌ని ఓ వ‌ర్గం అంటుంది. మ‌రి ప్ర‌భాస్ క్యాంప్ ఈ వార్త‌ల‌పై ఎలా స్పందిస్తారో వేచిచూడాలి.