ప్యాన్‌ ఇండియా స్టార్‌ ప్రభాస్‌ స్పీడు పెంచేశాడు. ఎంత స్పీడంటే ఇతర టాలీవుడ్‌ హీరోలే కాదు, బాలీవుడ్ స్టార్స్‌ కూడా షాక్‌ అయ్యేంత స్పీడుగా ప్రభాస్‌ వరుస సినిమాలు చేసుకుంటూ పోతున్నాడు. కోవిడ్‌ ప్రభావ సమయంలో స్పీడు తగ్గించిన ప్రభాస్‌.. ఇప్పుడు డబుల్‌ స్పీడుతో వెళుతున్నాడు. ప్రభాస్‌ స్పీడు చూసి ఇండస్ట్రీ వర్గాలు షాక్‌ అవుతున్నాయి. ఇప్పటికే రాధేశ్యామ్‌ షూటింగ్‌ను ప్యాచ్‌ వర్క్‌ మినహా పూర్తి చేసిన ప్రభాస్‌.. రీసెంట్‌గానే ప్రశాంత్‌ నీల్‌ దర్శకత్వంలో 'సలార్‌'ను షురూ చేశాడు. ఈ సినిమా రెగ్యులర్‌ షూటింగ్‌, ప్ర‌స్తుతం గోదావ‌రి ఖ‌నిలో చిత్రీక‌ర‌ణ జ‌రుగుతుంది.

ఇప్పుడు మరో సినిమాను కూడా సెట్స్‌పైకి తీసుకెళ్లడానికి ప్రభాస్‌ రెడీ అయిపోయాడు. ఆ సినిమాయే 'ఆదిపురుష్‌'. ఓంరావుత్ దర్శకత్వంలో తెరకెక్కనున్న ఈ సినిమాను ఫిబ్రవరి 2న లాంఛనంగా ప్రారంభించనున్నారట‌. ఫిబ్ర‌వ‌రి 9వ‌ర‌కు జ‌రిగే ‘స‌లార్’ షెడ్యూల్ చిత్రీక‌ర‌ణ జ‌రుగుతోంది. దీని తర్వాత ఆదిపురుష్ షూటింగ్‌ను స్టార్ట్ చేస్తార‌ట‌. ఇప్పటికే ఆదిపురుష్ చిత్రానికి సంబంధించిన వీఎఫ్‌ఎక్స్ వర్క్ స్టార్ట్ అయ్యింది. ప్రభాస్ పక్కా ప్లానింగ్‌తో స‌మాంత‌రంగా స‌లార్‌, ఆదిపురుష్‌ను పూర్తి చేస్తార‌ని టాక్ వినిపిస్తోంది.