బాహుబ‌లితో నేష‌న‌ల్ స్టార్‌గా ప్ర‌భాస్ ఇమేజ్ సొంతం చేసుకున్నాడు. తెలుగులో సుజిత్ ద‌ర్శ‌క‌త్వంలో సాహోతో పాటు జిల్ ఫేమ్ రాదాకృష్ణ ద‌ర్శ‌క‌త్వంలో మ‌రో సినిమా చేస్తున్నాడు. ప్ర‌భాస్‌తో బాలీవుడ్‌లో సినిమాలు చేయాల‌ని బాలీవుడ్ ద‌ర్శ‌క నిర్మాత‌లు ప్లాన్ చేస్తున్నారు. బాలీవుడ్‌కు టైగ‌ర్ ష్రాఫ్‌, కృతిస‌న‌న్ వంటి యంగ్ నటీనటుల‌ను పరిచ‌యం చేసిన సాజిద్ న‌దియావాల‌తో ప్ర‌భాస్ సినిమా చేస్తాడ‌ని వార్త‌లు వ‌స్తున్నాయి.

రీసెంట్‌గా ప్ర‌భాస్ సాజిద్‌ను సీక్రెట్ గా క‌లిసి చ‌ర్చింటిన‌ట్టు స‌మాచారం. మ‌రి ఈ చిత్రానికి నిర్మాత‌లు ఎవ‌ర‌నేది ఇంకా తెలియ‌లేదు. అయితే బాలీవుడ్ స్టార్ ద‌ర్శ‌క నిర్మాత క‌ర‌ణ్ జోహార్ కూడా ప్ర‌భాస్‌తో సినిమా చేయాల‌ని ప్లాన్ చేస్తున్నాడు. మొత్తం మీద బాహుబ‌లితో ప్ర‌భాస్ టాలీవుడ్ నుండి బాలీవుడ్‌కు అడుగులేయ‌డం మొద‌లు పెట్టేశాడు.