కేటీఆర్‌కు ప్ర‌భాస్ మద్దతు
- IndiaGlitz, [Wednesday,September 11 2019]
'బాహుబ‌లి', 'సాహో' చిత్రాల‌తో ఇండియా అంత‌టా సెన్సేష‌న‌ల్ క్రియేట్ చేసిన యంగ్ రెబ‌ల్ స్టార్ ప్ర‌భాస్ తెలంగాణ మినిష్ట‌ర్ కేటీఆర్‌కు మ‌ద్ద‌తుని తెలియ‌జేశారు. అయితే ప్ర‌భాస్ మద్దతు రాజ‌కీయంగా కాదు.. ప్ర‌జల్లో చైత‌న్యాన్ని క‌లిగించడానికి. ప్ర‌స్తుతం దోమ‌ల కార‌ణంగా డెంగ్యూ, వైరల్ జ్వ‌రాలు ఎక్కువ అవుతున్నాయి. ఈ క్ర‌మంలో తెలంగాణ పుర‌పాల‌క మంత్రి కేటీఆర్ ప్ర‌జ‌ల‌కు కొన్ని సూచ‌న‌లు చేశారు. మీ ఇంటి ప‌రిస‌రాల్లో నీటి నిల్వ‌లు లేకుండా ఎయిర్ కూల‌ర్ల‌లో, నీటి కుండీల్లో, పూల కుండీల్లో నీటి నిల్వ‌లు లేకుండా చూసుకోవాలి.
నేను నా ఇంటి ప‌రిస‌రాల‌ను ప‌రిశీలించి నీటిని తొల‌గించాం. దోమ‌ల వ్యాప్తికి ఇదే కార‌ణం. వైరల్, డెంగ్యూ జ్వ‌రాలు రాకుండా జాగ్ర‌త్త‌లు తీసుకోండి. మీరు కూడా నీటి నిల్వ‌లు లేకుండా చూసుకుని ఆ పనికి సంబంధించిన ఫొటోల‌ను నాతో పంచుకోండి'' అంటూ ట్వీట్ చేశారు. ఆయ‌న కొన్ని ఫొటోల‌ను షేర్ చేసుకున్నారు.
ఈ మంచి పనికి ప్ర‌భాస్ త‌న వంతు మ‌ద్ధ‌తుని ఫేస్‌బుక్ ద్వారా తెలియ‌జేశారు. ఇంటి ప‌రిస‌రాల్లో నీటి నిల్వ‌లు లేకుండా తిరిగి పంచుకుంటూ ఉన్న ఫొటోల‌ను ప్ర‌భాస్ షేర్ చేశారు. ఈ విష‌యాన్ని అంద‌రికీ చేరేలా చూడండి. ఆరోగ్యంగా ఉండండి'' అని ప్ర‌భాస్ తెలిపారు. ప్ర‌భాస్ యాక్ష‌న్‌కు కేటీఆర్ ధ‌న్య‌వాదాలు తెలియ‌జేశారు. ప్ర‌స్తుతం ఈ ఫొటోలు ట్రెండింగ్ అవుతున్నాయి.
మొన్న‌టి వ‌ర‌కు టి.ఆర్‌.ఎస్ పార్టీ వ‌ర్కింగ్ ప్రెసిడెంట్‌గా పనిచేసిన కేటీఆర్ రీసెంట్‌గా తెలంగాణ మంత్రి వ‌ర్గంలో చోటు ద‌క్కించుకున్నారు. తెలంగాణ పుర‌పాల‌క మంత్రిగా ప్ర‌స్తుతం ఆయ‌న బాధ్య‌త‌ల‌ను నిర్వ‌హిస్తున్నారు.