తొలి చిత్రం ఈశ్వ‌ర్ నుంచి మిర్చి వ‌ర‌కు.. ప్రతి సంవ‌త్స‌రం కూడా త‌న చిత్రాల‌తో సంద‌డి చేస్తూ వ‌చ్చారు యంగ్ రెబ‌ల్ స్టార్ ప్ర‌భాస్‌. అయితే బాహుబ‌లి చిత్రం కోసం ఎక్కువ కాల్షీట్స్ కేటాయించ‌డం వ‌లన.. 2014లో ఒక్క సినిమాతో కూడా సంద‌డి చేయ‌లేదు ప్ర‌భాస్‌. ఆ త‌రువాత మ‌ళ్లీ బాహుబ‌లి 2 కార‌ణంగా.. 2016లోనూ అదే ప‌రిస్థితి వ‌చ్చింది ప్ర‌భాస్‌కి.

బాహుబ‌లి సిరీస్ తెచ్చిన క్రేజ్‌తో ప్ర‌భాస్‌.. ప్ర‌స్తుతం సాహో అనే భారీ బ‌డ్జెట్ చిత్రంలో న‌టిస్తున్నారు. ఈ సినిమా తెలుగు, త‌మిళ్‌, హిందీ భాష‌ల్లో తెర‌కెక్కుతోంది. సుజిత్ ద‌ర్శ‌క‌త్వం వ‌హిస్తున్న ఈ చిత్రాన్ని తొలుత 2018 వేస‌విలో విడుద‌ల చేయాల‌నుకున్నారు. అయితే వి.ఎఫ్‌.ఎక్స్ కార‌ణంగా ఈ సినిమా విడుద‌ల వాయిదా ప‌డే అవ‌కాశ‌ముంద‌ని వార్త‌లు వినిపిస్తున్నాయి.

2019లో సాహో విడుద‌ల‌య్యే అవ‌కాశ‌ముంద‌న్న‌దే తాజా వార్త‌. అదే గ‌నుక జ‌రిగితే.. 2018లో కూడా ప్ర‌భాస్ సినిమా లేన‌ట్టే. అంటే.. మ‌రోసారి ప్ర‌భాస్ సినిమా లేని సంవత్సరాన్ని ఆయ‌న అభిమానులు చూడాల్సి ఉంటుంద‌న్న‌మాట‌.

అయితే.. ఓ వ‌ర్గం మాత్రం ఈ సినిమా 2018 దీపావ‌ళికి వ‌చ్చే అవ‌కాశం ఉందంటున్నారు.