మూవీ ఆర్టిస్ట్ ఆసోసియేష‌న్‌(మా)లో అంత‌ర్గ‌త క‌ల‌హాలు ఇప్పుడు తారాస్థాయికి చేరుకున్నాయి. ఈ నెల 10న మా ఎన్నిక‌లు జ‌ర‌గ‌బోతున్నాయి. శివాజీ రాజా ప్యానల్‌కు వ్య‌తిరేకంగా నరేష్ ప్యానెల్ పోటీ చేస్తుంది.

అయితే 'మా' సొంత భ‌వ‌నాన్ని క‌ట్టుకోవ‌డానికి యు.ఎస్‌లో ఫండ్ రైజింగ్ కార్య‌క్ర‌మాల‌ను నిర్వ‌హిస్తూ వ‌స్తున్నారు. ఇప్ప‌టికే చిరంజీవి ఈ ఫండ్ రైజింగ్ కార్య‌క్ర‌మంలో రెండు సార్లు పాల్గొన్నారు.

త‌ర్వాత మ‌హేష్‌తో ఫండ్ రైజింగ్ కార్య‌క్ర‌మాలు నిర్వ‌హించాల‌ని అనుకున్నారు. అయితే `మా`లోని అంత‌ర్గ‌త క‌ల‌హాలు, స‌రైన ప్లానింగ్ లేక‌పోవ‌డంతో మ‌హేష్ ఫండ్ రైజింగ్ కార్య‌క్ర‌మాల్లో పాల్గొన‌లేదు.

ఇప్పుడు మ‌హేష్ స్థానంలో ప్ర‌భాస్‌ను ఫండ్ రైజింగ్ కార్య‌క్ర‌మాల‌కు యు.ఎస్ పంపాల‌ని `మా` స‌భ్యులు ఆలోచిస్తున్నార‌ట‌. మ‌రి ప్ర‌భాస్ అందుకు ఒప్పుకుంటాడా?  అనేది తెలియాలంటే కొన్ని రోజులు ఆగాల్సిందే.