‘రాధేశ్యామ్’లో ప్ర‌భాస్ కాస్ట్యూమ్స్ కోసం ఎంత ఖ‌ర్చు పెట్టారో తెలుసా?
- IndiaGlitz, [Wednesday,February 17 2021]
ప్యాన్ ఇండియాస్టార్ ప్ర‌భాస్ ఇమేజ్ బాహుబ‌లి త‌ర్వాత మారిపోయింది. ఆయ‌న‌తో సినిమా చేయాల‌నుకుంటే మినిమం మూడు వంద‌ల కోట్ల రూపాయ‌ల బ‌డ్జెట్ పెట్టుకోవాల్సి వ‌స్తుంది మ‌రి. ఇప్పుడు ప్ర‌భాస్ చేస్తున్న సినిమాల‌న్నీ నాలుగైదొంద‌ల కోట్ల రూపాయ‌లే. రాధేశ్యామ్ విష‌యానికి వ‌స్తే ఇదొక పీరియాడిక‌ల్ ల‌వ్‌స్టోరి. ప్ర‌భాస్ లుక్ కొత్తగా ఉండ‌ట‌మే కాదు.. సినిమాకు ఫ్రెష్ లుక్ రావ‌డం కోసం నిర్మాత‌లు అన్ కాంప్ర‌మైజ్డ్‌గా ఖ‌ర్చు పెట్టారు. ముఖ్యంగా ప్ర‌భాస్ దుస్తుల కోస‌మే దాదాపు ఆరు కోట్ల రూపాయ‌ల‌ను ఖ‌ర్చు పెట్టార‌నే వార్త‌లు వినిపిస్తున్నాయి. విన‌డానికి కాస్త పెద్ద నెంబ‌రే అయినా ప్ర‌భాస్ లుక్ కోసం త‌ప్ప‌లేద‌నేది వార్త‌ల సారాంశం.
జిల్ ఫేమ్ రాధాకృష్ణ కుమార్ దర్శకత్వంలో తెరకెక్కుతోన్న ఈ చిత్రానికి యువీ కృష్ణంరాజు స‌మ‌ర్పకుడిగా వ్యవహరిస్తున్నారు. గోపీ కృష్ణామూవీస్‌, యువీ క్రియేష‌న్ష్ బ్యాన‌ర్‌పై వంశీ, ప్ర‌మోద్‌, ప్ర‌శీద ఈ చిత్రాన్ని నిర్మిస్తున్నారు. జూలై 30న సినిమాను తెలుగు, హిందీ, త‌మిళ, క‌న్న‌డ, మ‌ల‌యాళ భాష‌ల్లో విడుద‌ల చేస్తున్నారు. పూజా హెగ్డే హీరోయిన్‌గా న‌టిస్తుంది.