ప్రభాస్ మ్యూజిక్ డైరెక్టర్స్ .....
- IndiaGlitz, [Thursday,December 22 2016]
యంగ్ రెబ‌ల్ స్టార్ ప్రభాస్ బాహుబ‌లి2 సినిమాతో వ‌చ్చే ఏడాది ప్రేక్ష‌కుల ముందుకు రానున్నాడు. ఈ సినిమా త‌ర్వాత ప్రభాస్ ర‌న్ రాజా ఫేమ్ సుజిత్ ద‌ర్శక‌త్వంలో ఓ సినిమా చేయ‌బోతున్నాడు. ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు వేగ‌వంతం అందుకున్నాయి. యు.వి.క్రియేషన్స్ బ్యాన‌ర్‌లో రూపొందనున్న ఈ సినిమాలో ఎమీజాక్స‌న్ పేరును హీరోయిన్‌గా పరిశీలిస్తున్నారు. తాజా స‌మాచారం ప్ర‌కారం ఈ చిత్రంలో మ్యూజిక్ డైరెక్ట‌ర్స్‌గా శంక‌ర్, ఇషాన్‌, లియో తీసుకునే అవకాశాలు క‌న‌ప‌డుతున్నాయి. బాహుబ‌లితో నేష‌న‌ల్ రేంజ్‌లో ప్రభాస్ ఫేమ్‌ను సంపాదించుకున్నాడు. ఇప్పుడు ప్రభాస్ త‌న త‌దుపరి చిత్రాన్ని కూడా ఆ రేంజ్‌లోనే తెర‌కెక్కించేలా ప్లాన్ చేస్తున్నాడు. దాదాపు నూట యాబై కోట్ల బ‌డ్జెట్‌తో రూపొందనున్న ఈ సినిమాను తెలుగు, త‌మిళం, హిందీల్లో విడుద‌ల చేసేలా ప్లాన్ చేస్తున్నార‌ట.